نەسر و ئینتەر مەیامی رووبەڕووی یەک دەبنەوە
یاریگا –
یانەی نەسری سعودی و ئینتەرمەیامی، بریارە لە یارییەکی دۆستانەدا رووبەڕوی یەک ببنەوە.
هەندێک رکابەری لە جیهانی تۆپی پێدا هاندەران لە هەموو جیهانەوە رادەکێشن. یەکێک لەوانە ململانێی نێو یاریگا لەنێوان لیۆنێل مێسی و کریستیانۆ رۆناڵدۆ بوو. لە کاتێکدا هەواداران لەو بڕوایە نەبوون دەرفەتێکی دیکەیان دەست بکەوێت بۆ بینینی ئەم رکابەرییە لە ئەوروپا، بەڵام وا بڕیارە جارێکی دیکە ئەم رووبەڕووبونەوەیە هەڵبگیرسێتەوە.
عەلی عەنزی، پەیامنێری سعودی لە پۆستێک دا لە تۆری ( X) دەڵێت:
کۆمپانیایەکی نێودەوڵەتی بەبازاڕکردن هەوڵدەدات یارییەکی دۆستانە لە نێوان نەسر و ئینتەر میامی لە چین ئەنجام بدات.
خـاص |
شركة تسويقية عالمية تسعى لإقامة لقاء ودي يجمع #النصر العالمي ضد نادي إنتر ميامي الأمريكي ..
وبحضور كافة نجوم الفريقين يتقدمهم الأسطورة كريستيانو رونالدو و ليونيل ميسي ..
وتسعى الشركة العالمية على إقامة المباراة الودية في دولة الصين 🇨🇳 ..🇸🇦🔥🇺🇸 pic.twitter.com/5RLjoPpGKN
— علي العنزي (@Ali_alabdallh) September 27, 2023
تا ئێستا یەکلایی نەبووەتەوە کە ئایا ئەو بازرگانە جیهانییە دەتوانێت گرێبەستێکی لەم شێوەیە واژوو بکات یاخود نا. هەرەها جێگای ئاماژەیە، یانەی نەسر لە مانگی یەکدا بانگهێشتنامەی بۆ بەشداریکردن لە چەند یارییەکی دۆستانە لە چین وەرگرتووە، پێدەچێت یەکێک لە یارییەکان دوو ئەفسانەکە بۆ کۆتا جار لە یاریگادا رووبەڕووی یەک بکاتەوە.
