یاریگا –
ستافی تەکنیکی یانەی پاریس سانجێرمان پەلە لە گەڕانەوەی کیلیان ئێمباپێ ناکات.
یەکشەممەی رابردوو لە کلاسیکۆی فەڕەنسا، پاریس سانجێرمان لە یاریگای پارک دۆ پرێنس، میوانداری مارسیلیای کرد، یارییەکەی بە ئەنجامی چوار گۆڵی بێبەرامبەر بردەوە.
هەر لە گێمی یەکەم و لە خولەکی 32، کیلیان ئێمباپێ، ئەستێرەی یەکەمی یانەکە بەهۆی پێکان یاریگای جێهێشت، تا ئێستایش نەگەڕاوەتەوە مەشقەکانی تیپەکەی.
🚨🇫🇷| The objective of the technical staff is for Kylian Mbappé to be 100% for the match vs. Newcastle United in the Champions League on Wednesday – no risk will be taken with the Frenchman for the trip to Clermont this Saturday. @lequipe pic.twitter.com/VgNT5QEstn
— PSG Report (@PSG_Report) September 28, 2023
رۆژنامەی لیکیپ بڵاویکردووەتەوە، ئامانجی ستافی تەکنیکی پاریس ئەوەیە یاریزانەکە بە رێژەی %100 ئامادە بکەن بۆ یارییەکەی نیوکاسڵ، لە گەڕی دووەمی قۆناخی کۆمەڵەکانی خولی یانە پاڵەوانەکانی ئەوروپا، کە رۆژی سێشەممەی داهاتوو ئەو یارییە لە یاریگای سانت جەیمس پارک بەڕێوەدەچێت.
دوێنێ پشکنینی پزیشکی سەرەتایی بۆ یاریزانەکە کرا، دەرکەوت لە پاژنەی پێیدا پێکانی هەیە، سبەی هەینی جارێکی دیکە پشکنینی پزیشکی وردی بۆ دەکرێت و ماوەی دوورکەوتنەوەی دیاری دەکرێت.
بۆیە سانجێرمان هیچ مەترسیەک لەسەر یاریزانەکە درووست ناکات، کیلیانی تەمەن 24 ساڵان رۆژی شەممەی داهاتوو لە لیگ وەن بەرامبەر کلێرمۆن یاری ناکات، تا بەباشترین شێوە بۆ گەشتەکەی ئینگڵتەڕا ئامادەبێت.
(🌕) The idea is to have Kylian Mbappé 100% ready for the match against Newcastle, so no risks will be taken this weekend against Clermont. @lequipe 🚨🇫🇷 pic.twitter.com/4wFyMbWcRS
— PSGhub (@PSGhub) September 28, 2023
