ریس جەیمس لەلایەن پریمەرلیگەوە سزادرا

ریس جەیمس بەرگریکاری چێڵسی بە بێ ئەوەی یاری بکات لەلایەن بەرپرسانی پریمەرلیگەوە سزادرا بەهۆی قسەوتن بە ناوبژیوان.

ریس کاپتنی چێڵسی، لە ئێستادا بەدەست پێکانێکی درێژخایەنەوە دەناڵێنێت بەڵام لەنێو یاریگا ئامادەبوو لەو یارییەی چێڵسی بە ئەستۆن ڤیلا دۆڕا.

دوای فیکەی ناوبژیوان لە تونێلی چوونە دەرەوەدا، ریس رێگەی بە ناوبژیوان گرتووە و قسەی پێ وتووە بەهۆی بڕیارەکانی لە کاتی یارییەکەدا.

لە بەیاننامەکەی پریمەرلیگدا هاتووە، ریس سزا دەدرێت بە تۆمەتی ” بەدرەوەشتی و/یان سوکایەتی و/یان جوێن و قسەی ناشرین”

ناوبراو تاوەکو 29ی ئەم مانگەی لەبەردەم دایە تاوەکو روونکردنەوە بدات لەسەر ئەو کارەی دواتر سزاکەی رادەگەیەنرێت و یەکێک لە ئەگەرەکان سڕکردنیەتی بۆ چەند یارییەک.