یاریگا-یانەی پاریس سان جێرمان رایگەیاند نونێس مێندێزی بەرگریکاری یانەکەیان بۆ ماوەی چوار مانگ دووردەکەوێتەوە.
نونێس وەک باشترین یاریزانی لاوی پاریس لە وەرزی رابردوو دەستنیشانکرا، بەڵام لە مانگی حەوتی ئەمساڵدا تووشی پێکان هات و لەوکاتەوە یاری نەکردووە. سەرەتا یانەکە هەوڵیدا نەشتەرگەری بۆ ئەنجام نەدات و دوو مانگ چاوەڕێی کرد. بەڵام ئەمڕۆ پاریس ملکەچی بڕیاری پزیشکەکان بوو بۆ ئەوەی نەشتەرگەری بۆ ئەنجام بدەن. ئەو پێکانەش پێویستی بە چوار مانگە بۆ چاکبوونەوە.
ئەمە لە کاتێکدایە پاریس لە هاوینی ئەمساڵدا، خوان بیرناتی بە خواستن دا بە بەنفیکا و لە ئێستادا لوکاس هێرناندێز تاکە یاریزانی تیمی یەکەمی پاریسە کە دەتوانێت لە پێگەی بەرگری چەپدا یاری بکات.
