یاریگا –
ئەمڕۆ چوارشەممە، کاتژمێر 8:00 بە کاتی کوردستان، لە میانی یارییەکانی گەڕی حەوتەمی لالیگا، ریال مەدرید لە یاریگای سانتیاگۆ بێرنابیۆ میوانداری لاس پاڵماس دەکات.
ریال مەدرید لەم وەرزەی لالیگا 6 یاری کردووە، 5 یاری بردووەتەوە و لە یارییەکیشدا تووشی شکست بووە. بە کۆکردنەوەی 15 خاڵ، پلەی سێیەمی ریزبەندی خولەکەی گرتووە.
هاوکات لاس پاڵماس لە کۆی ئەنجامدانی 6 یاری، 3 یاری دۆڕاوە، 2 یاری یەکسانبووە و خاوەنی تەنیا 1 بردنەوەیە. بە کۆکردنەوەی تەنیا 5 خاڵیش پلەی شازدەیەمی ریزبەندی خولەکەی گرتووە.
ئەرکی ئەمشەوی ریال مەدرید ئاسان دەبێت، بەوپێیەی لاس پالماس یەکێکە لە یانە ئاست لاوازەکانی ئەم وەرزەی خولەکە. بەهۆی شکستە سەختەکەیان لە دێربی مەرید، مێرێنگی چاوەی لەوەیە سێ خاڵی ئەم یارییە بکات بە شیرینی ئاشتکردنەوەی هاندەرانی.
🏃🔛#RMCity pic.twitter.com/h5VF5sSJ6q
— Real Madrid C.F. (@realmadrid) September 25, 2023
بە بەدەستهێنانی سێ خاڵی یارییەکەی ئەمشەو ریال مەدرید جارێکی دیکە لە ریزبەندی خولەکە پێش بارسێلۆنای رکابەری دەکەوێت، کە بارسا شەوی رابردوو بە ئەنجامی 2-2 لەگەڵ ریال مایۆرکا یەکسانبوو، نەیتوانی سود لە شکستەکەی ریال وەربگرێت.
لۆس بلانکۆس بۆ یارییەکەی ئەمشەو تواناکانی هەریەکە لە یاریزانان ڤینیسیۆس جونیۆر و دانی کارڤاخالی بۆ دەگەڕێتەوە کە ماوەیەکە بەهۆی پێکان دابڕاون. ئەمەیش هێزێکی زیاتر بە تیپەکەی کارلۆ ئانچێلۆتی دەبەخشێت.
لیستی یاریزانە بانگهێشتكراوەكانی ریال مەدرید بۆ یارییەكەیان بەرامبەر لاس پاڵماس:
