مۆرینیۆ ئەستێرەیەكی مانچێستەر یونایتدی دەوێت
یاریگا –
راپۆرتە رۆژنامەوانیەكان ئاشكرایانكرد یانەی رۆمای ئیتاڵی بە راهێنەرایەتیكردنی خۆسێ مۆرینیۆ دەیەوێت قەیرانەكانی جەیدن سانچۆ لەگەڵ تێن هاخ و مانچێستەر یونایتد بقۆزێتەوە بۆ گواستنەوەی ئەو یاریزانە بۆ یانەكەی.
لە پێش یارییەكانی هەفتەی چوارەمی پرێمەرلیگ تێن هاخ لە كۆنگرەی رۆژنامەوانی دوای یارییەكە ووتی: جەیدن سانچۆ ئەم هەفتەیە بەشێوەیەکی باش مەشق و راهێنانی نەکرد، ئاستی لاواز بوو، بۆیە بڕیارمدا دووریبخەمەوە.
لەدوای ئەو لێدوانە سانچۆ سەڕجەم ئەو قسانەی بە درۆ خستەوە و لە هەژماری خۆی لە تۆڕی كۆمەڵایەتی ئێكس ووتی: تکایە باوەڕ بە هەموو ئەو شتانە مەکەن کە دەیخوێننەوە! رێگە نادەم خەڵکی شتگەلێک بڵێن کە دوورن لە راستییەوە، من ئەم هەفتەیە بەشێوەیەکی زۆر باش مەشق و راهێنانم کردووە، هۆکاری دیکە هەیە بۆ دوورخرانەوەم بەڵام قسەی لەسەر ناکەم، ماوەیەکی زۆرە من بوومەتە قوربانی، کە ئەمەیش دادپەروەرانە نییە.
Manchester United are willing to cash-in on outcast Jadon Sancho with Roma boss Jose Mourinho interested in a move for the winger https://t.co/6LjCWURYef pic.twitter.com/oIuzKGOokX
— Mirror Football (@MirrorFootball) September 25, 2023
سانچۆ چوونە نێو كارینگتۆنی لێ قەدەخە كراوە و ناتوانێت لەگەڵ تیمی یەكەمدا مەشق و راهێنان بكات و خواردن و خواردنەوە لەگەڵ تیمی یەكەم بخوات.
ئێستا یاریزانە ئینگلیزیەكە لەگەڵ تیمی دووەم مەشق و راهێنانەكان دەكات.
بەپێی زانیارییەكانی پێگەی فوتبۆڵ ئیتاڵیا رۆما دەیەوێت لە گواستنەوەكانی زستانەدا هەوڵەكانی بۆ گواستنەوەی سانچۆ دەست پێبكات.
لە راپۆرتەكەی هەمان سەرچاوەشدا هاتووە، خۆسێ مۆرینیۆی پۆرتوگالی و راهێنەری گورگەكانی رۆما چێژ لە هەبوونی سانچۆ لە تیمەكەیدا وەردەگرێت.
ئاماژە بەوەشكراوە، شەیتانە سورەكان پێشوازی لە بیرۆكەی رۆیشتنی بە شێوەی خواستن دەكات، بە مەبەستی گەڕانەوەی ئاست و متمانەی بە خۆی.
لە كۆتاییشدا ئەوە خراوەتە روو، ئەگەر شتەكان بەوشێوەیە لەگەڵ تێن هاخ بەردەوام بێت ئەوا چاوەڕوان دەكرێت گرێبەستەكەی هەڵبوەشێندرێتەوە و ببێتە یاریزانێكی ئازاد.
