یاریگا
کەریم بێنزێما هێرشبەری فەرەنسی یانەی ئیتیحادی سعودی، بۆ رووبەڕووبونەوەی یانەی سپاهانی ئێران گەشتی ئەو وڵاتە ناکات.
گۆڵکارە فەرەنسیەکەی یانە سعودیەکە بەهۆی ئەو پێکانەی لە ماسولکەکانی تووشی بووە، بەشداری یەکەم یاریی یانەکەی لە وەرزی نوێی چامپیۆنزلیگ نەکرد.
سەرچاوەکە بڵاویشی کردەوە، بێنزێما بۆ ماوەی 10 ڕۆژی دیکە لە یاریگاکان دادەبڕێت، بەم شێوەیەش لە 3 یاری داهاتووی ئیتیحاد بەشداری ناکات، لەوانەش یارییەکەی بەرامبەر سپاهان لە گەڕی دووەمی قۆناغی کۆمەڵەکانی خولی یانە پاڵەوانەکانی ئاسیا.
ئەمە دووەم پێکانی کەریم بێنزێمایە دوای پەیوەندی کردنی بە یانە سعودیەکە. ئەفسانەی فەرەنسی مانگی ڕابردووش لە کاتی یارییەکەی بەرامبەر یانەی وەحدە تووشی پێکان بوو.
