یاریگا –
یانەی چێڵسی ئینگلیزی، بەهۆی ئاستە خراپەکەیان، لە لایەن چێشتخانەی دۆمینۆس پیتزا، گاڵتەیان پێدەکرێت.
زنجیرە چێشتخانەکانی دۆمینۆس پیتزا، کە یەکێکە لە بەناوبانگترین چێشتخانەکان لە جیهاندا، لە تۆڕی کۆمەڵایەتی X (تویتەری پێشوو) گاڵتە بە چێڵسی دەکەن، لە تویتێکدا نوسوییانە:
لەو کاتەوەی کە چێڵسی دوایین گۆڵی کردووە، ئێمە 852,609 پیتزامان گەیاندووە بە کڕیارەکانمان.
We’ve delivered about 852,609 pizzas since Chelsea last scored a goal.
— Domino's Pizza UK (@Dominos_UK) September 24, 2023
ئەم توانجەی چێشتخانەکە پاش ئەوە دێت، شەوی رابردوو چێڵسی لە یاریگای خۆی ئاستێکی خراپی پێشکەشکرد، بە گۆڵێکی بێبەرامبەر بە ئاستۆن ڤێلا دۆڕا.
سەرەڕای خەرجکردنی بڕە پارەیەکی خەیاڵی لە گواستنەوەی یاریزاناندا، دۆخی یانەکە بە جۆرێک خراپە، کە دەستپێکی ئەم وەرزەیان بە خراپترین دەستپێکی یانەکە هەژماردەکرێت لە 45 ساڵی رابردوودا.
بلوز لەم وەرزەی پرێمەرلیگ شەش یاری کردووە، تەنیا یەک یاری بردووەتەوە، خاوەنی سێ شکست و دوو بەرامبەر بوونە. بە کۆکردنەوەی تەنیا 5 خاڵ پلەی 14ـی ریزبەندی خولەکەی گرتووە.
