ئارناتۆڤیچ ماوەیەکی درێژ لە یاریگاکان دادەبڕێت

یاریگا

ئینتەر میلان لە گەڕی پێنجەمی خولی ئیتاڵیا بووە میوانی ئێمپۆلی و یارییەکەشی بە ئەنجامی 1-0 لە خاوەن یاریگا بردەوە.

لەم یارییە مارکۆ ئارناتۆڤیچ هێرشبەری نەمسایی نێرازۆری تووشی پێکانێکی قورس بوو و بەم هۆیەوە نەیتوانی لە یاریکردن بەردەوام بێت و بە ناچاری یاریگای جێهێشت.

رۆژنامەی لاگازێتا دلۆ سپۆررتی ئیتاڵی بڵاویکردەوە، دوای ئەو پێکانەی ئارناتۆڤیچ پشکنینی سەرەتایی بۆ کرا و لە پشکنینەکاندا دەرکەوتووە ئەو یاریزانە لە رانیدا تووشی پێکانێکی قورس بووە، بۆیە رەنگە ماوەیەکی زۆر لە یاریگاکان داببڕێت.

سەرچاوەکە بڵاویشی کردەوە پێشبینی دەکرێت مارکۆ ئارناتۆڤیچ نزیکەی 3 مانگ لە یارییەکانی یانەکەی بێ بەش و بەلانی کەمیش 2 مانگ لە یاریگاکان دادەبڕێت.