یاریگا –
کریستیانۆ رۆناڵدۆ، ئەستێرەی نەسری سعودی، وەرزێکی نائاسایی لە خولی رۆشن بەڕێدەکات و چاوی لە بەرزکردنەوەی نازناوەکانە.
لە دوای بردنەوە دراماتیکیەکەی نەسر بەرامبەر ئەهلی بە ئەنجامی 4-3، رۆناڵدۆ لە دوای یارییەکە دڵخۆشی خۆی دەربڕی و گوتی
یارییەکی باشمان کرد و زۆر بەم ئەنجامە دڵخۆشین، دەمانزانی بەرامبەر رکابەرێکی بەهێز یاری دەکەین و لەم یارییەشدا، هاندەران یارمەتییان داین. چێژ لە یاری کردن وەردەگرم، گرنگترین شت بەلای منەوە، سەرکەوتنی تیمەکەمە. دەمەوێت گۆڵی زیاتر و ئاستی باشتر پێشکەش بکەم. تاوەکو ئێستا کۆتاییم نەهاتووە، هێشتا گۆڵ دەکەم و سەردەکەوم. تاوەکو ئەوکاتە بەردەوام دەبم، کاتێک پێیەکانم پێم دەڵێن، تەواو کۆتاییم هاتووە.
🎤 رونالدو قائد النصر:
– السعودية بلد جميل والدوري السعودي يتطور كل يوم، وسعيد بالتواجد هنا 🇸🇦
– مهما كان عمري.. أحب اللعب كرة القدم#نحلم_ونحقق#دوري_روشن_السعودي#النصر_الأهلي | #SSC pic.twitter.com/NE4z5ehbkU
— شركة الرياضة السعودية SSC (@ssc_sports) September 22, 2023
رۆناڵدۆ لە بارەی رۆژی نیشتمانی سعودییەوە دەڵێت
من خۆم وەک یەکێک لە گەلی سعودیە دەبینم، ئەم وڵاتەم خۆشویست، خەڵکی ئێرە زۆر باشن. هەروەک پێشتر باسم کرد، سعودیە وڵاتێکی سەرنجڕاکێشە و ئێستا خولەکە یەکێکە لە باشترین و ئاستەکەی زۆر بەرەوپێش چووە، گەلی سعودیە شایەنی زیاترە.
رۆناڵدۆ تاوەکو ئێستا 9 گۆڵی لەم وەرزەدا تۆمار کردووە، بە جیاوازی سێ گۆڵ لەگەڵ ماڵکۆم، گۆڵکاری هیلال.
بەم بردنەوەیە نەسر خۆی گەیاندە پلەی پێنجەم بە کۆکردنەوەی 15 خاڵ.
