“من مەدریدیم، خزمەتی سعودییەکانیش دەکەم”

یاریگا –

خافیێر تێباسی سەرۆکی لالیگا، هاندەری سەرسەختی یانەی ریال مەدریدە و بۆچوونی بەرامبەر سعودییەکان گۆڕاوە.

لە بەرنامەیەکی تەلەفیزیۆنی خافیێر تێباسی سەرۆکی لالیگا چەند نهێنییەکی گەورەی ئاشکراکرد، هەروەها روونیکردەوە کە ئەو دژی پرۆژەی سعودییەکان نییە.

تێباس سەبارەت بە ریال مەدرید گوتی:

من هاندەری سەرسەختی ریال مەدریدم، هەموو کەسیش ئەوە دەزانێت، بەڵام لایەنگریم بۆ مەدرید هیچ کاریگەرییەکی نیە لەسەر بڕیارەکانم وەکو سەرۆکی لالیگا.

ئەم لێدوانەی تێباس پاش ئەوە دێت ناوبراو هەفتەی رابردوو هێرشێکی توندی کردبووە سەر فلۆرێنتینۆ پێرێزی سەرۆیکی یانەی ریال مەدرید و بە کەسێکی دۆرزن وەسفی کردبوو.

Javier Tebas (La Liga President): “Everyone knows that I am a Madrid fan even before I became president of La Liga. I can be a fan of Real Madrid, but the dangerous thing is to be biased towards this club and harm the other teams. This is something I have not done in 10 years.” pic.twitter.com/L3bg466fiw

— Football Newz (@FootballNewzIG) September 21, 2023

سەرۆکەکەی لالیگا لە بارەی پرۆژەی سعودیەکان گوتی:

من دژی پرۆژەی سعودییەکان نیم، ئامادەم هاوکارییان بکەم، ئەزموونی 10 ساڵەی خۆمم خستووەتە بەردەستیان لە پێناو خزمەتکردن و بەرەوپێشبردنی خولەکەیان.

ئەمەیش لە کاتێکدایە هەر دوو هەفتە لەمەوبەر سەرۆکەکەی كۆمەڵەی خولی ئیسپانیا بەهۆی خەرجكردنی پارەیەكی زۆر بۆ گواستنەوەی یاریزانان هێرش کردبووە سەر خولی رۆشنی سعودی.