فەرمی: ڤیچێنزۆ مۆنتێلا بووە ڕاهێنەری هەڵبژاردەی تورکیا

یاریگا

ڤیچێنزۆ مۆنتێلا، راهێنەری ئیتاڵی پێشووی یانەی ئەیسی میلان، راهێنەرایەتی هەڵبژاردەی تورکیای گرتە ئەستۆ و لە پاڵاوتنەکانی یۆرۆی 2024 سەرپەرشتی ئەو هەڵبژاردەیە دەکات.

فیدراسیۆنی تۆپی پێی تورکیا رایگەیاند، ڤیچێنزۆ مۆنتێلا ئەرکی سەرکردایەتیکردنی هەڵبژاردەی وڵاتەکەیانی گرتە ئەستۆ بە گرێبەستێکی سێ ساڵە تا هاوینی 2026 جێگەی ستیفان کونتێس گرتەوە کە بەم دواییە لەم پۆستەکەی دوورخرایەوە.

ڤیچێنزۆ مۆنتێلا چەند مانگێک لەمەوبەر یانەی ئەدانا دەمیرسپۆری لە تورکیا جێهێشت، فیدراسیۆنی تۆپی ئەو وڵاتەش پێش لە چەند مانگی ڕابردوودا چاودێری ئەم ڕاهێنەرەی و دواجار لەگەڵی گەیشتنە رێکەوتن.