بێڵینگهام بەردەوامە لە شكاندنی ژمارە پێوانەییەكان
یاریگا –
جود بێڵینگهام، ئەستێرەی ئینگلیزی یانەی ریال مەدریدی ئیسپانی بەردەوامە لە درەوشانەوە لەگەڵ یانە نوێیەكەی.
شەوی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری یونیەن بەرلینی كرد و بە زەحمەت و بە تاكە گۆڵێكی بێڵینگهام لە خولەكی 94 یارییەكەیان بردەوە، لە میانی یارییەكانی هەفتەی یەكەمی قۆناخی كۆمەڵەكانی خولی یانە پاڵەوانەكانی ئەوروپا.
ئەستێرە ئینگلیزیەكە چوارەم یاریزانی مەدریدە لە سەدەی 21 بتوانێت گۆڵ لە یەكەم یاری خۆی لە لالیگا و چامپیۆنزلیگ بكات لە دوای هەریەك لە كریستیانۆ رۆناڵدۆ، ئیسكۆ و ئاسێنسیۆوە.
هەروەها بێڵینگهام لە تەمەنی 20 ساڵ و 83 رۆژ بچوكترین یاریزانە بتوانێت گۆڵی بردنەوە لە دوای خولەكی 90 لە یاریەكی چامپیۆنزلیگ بۆ ریال مەدرید بكات.
90+ – Aged 20 years and 83 days old, Jude Bellingham is the youngest player to score a 90th minute winning goal for @realmadriden in the Champions League, and the youngest Englishman to do so in the competition for any side. Critical. pic.twitter.com/AVVOo8Zjlz
— OptaJose (@OptaJose) September 20, 2023
ریال مەدرید لە كۆمەڵەی سێیەم دێت شانبەشانی هەریەك لە یانەكانی ناپۆلی ، یونیەن بەرلین و براگا.
