یاریگا
لیۆنێل مێسی یاریزانی ئەرجەنتینی یانەی ئینتەر مەیامی لە یاریی بەیانی ئەمڕۆ بەرامبەر تۆرۆنتۆ بەهۆی پێکان یاریگای جێهێشت.
ئەستێرەکەی ئینتەر مەیامی دوای ئەوە لە یاریی هەڵبژاردەکەی بەرامبەر ئیکوادۆر لە پاڵاوتنەکانی مۆندیالی 2026 تووشی پێکان، بەشداری یاریی هەڵبژاردەکەی بەرامبەر بۆلیڤیا نەکرد.
لیۆ دوای نزیکەی دوو هەفتە دابڕان لەگەڵ یانەکەی، لە چەند رۆژی رابردوو گەڕایەوە و بەشداری راهێنانەکانی یانەکەی کردەوە.
مێسی لە کاتی راهێنانەکان هیچ کێشەیەکی نەبوو، بەڵام لە یاریی بەرامبەر تۆرۆنتۆ لە خولی ئەمریکا، هەر لە نیوەی یەکەم بەهۆی ئازاری ماسولکەکانی یاریگای جێهێشت.
رۆژنامەی وەرزشی مارکای ئیسپانیا بڵاویکردەوە، پێنج شەممەی هەفتەی داهاتوو ئینتەر مەیامی لە یاریی کۆتایی جامی کراوەی ئەمریکا یاریی هەیە، بەڵام دیار نیە مێسی بەشداری یارییەکە دەکات یان نە.
سەرچاوەکە بڵاویشی کردەوە، دوای ئەنجامدانی پزیشکی بۆ لیۆنێل مێسی، دواتر لەگەڵ گەیشتی راپۆرتەکەی، راهێنەر و خودی یاریزانەکە و هەروەها تیمی پزیشکی ئینتەر مەیامی بڕیار لەسەر چارەنوسی مێسی دەدەن.
