فاتیمە کێیە و چۆن چاوی بە کریستیانۆ رۆناڵدۆ کەوتووە؟

یاریگا –

یانەی نەسری سعودی بە مەبەستی ئەنجامدانی یەکەم یارییان لە هەفتەی یەکەمی جامی یانە پاڵەوانانی ئاسیا گەشتی وڵاتی ئێرانی کرد تاوەکوو بەرامبەر یانەی پێرسپۆلیسی تاران ببێتەوە.

کریستیانۆ رۆناڵدۆ، ئەفسانەی پورتوگالی و یاریزانی یانەی نەسری سعودیە، لەم گەشتەیدا بۆ ئێران کارێکی مرۆڤ دۆستانەی ئەنجامدا چاوی بە هونەرمەندی ئێرانی فاتیمە حەمامی کەوت و ئەم کارەی ئەفسانەی تۆپی پێ بە شێوەیەکی بەرفراوان لە میدیا عەرەبییەکاندا دەنگدانەوەی هەبوو.

فاتیمە هونەرمەندێکی خاوەن پێداویستی تایبەتە کە توانایەکی بێ وێنەی هەیە و دەتوانێت بە پێیەکانی وێنەی کەسایەتییەکان بکێشێتەوە. بۆ یەکەمینجار لە ساڵی 2018 وێنەی رۆناڵدۆی بە پێیەکانی کێشایەوە و لەو کاتەوە ئاواتی بینینی ئەستێرە پورتوگالییەکە بووە تا دواجار خەونەکەی لە لایەن محەمەدرەزا دەروێش سەرۆکی یانەی پێرسپۆلیس هاتەدی و توانی بە دیداری رۆناڵدۆ لە ئێران شاد ببێت.

ساتی دیداری فاتیمە لەگەڵ رۆناڵدۆ

لێدوانی فاتیمە دوایی دیدار لەگەڵ کریستیانۆ