یاریگا
ریال مەدرید دوای چوار بردنەوەی لەسەر یەک، ئەمجارەیان لە گەڕی پێنجەمی لالیگا میوانداری ریال سۆسیدادی کرد و یارییەکەشی بە ئەنجامی 2-1 بردەوە.
یاریزانانی سۆسیداد دەستپێشخەریان کرد و لە خولەکی لە پێنجەم خولەکی یارییەکە ئاندێر توانی تۆڕی گۆڵی شاهانەکان بهەژێنێت.
یاریزانانی مێرنگی هەوڵی زۆریاندا بۆ ئەوەی نیوەی یەکەم هەر هیچ نەبێت ئەنجامی یارییەکە یەکسان بکەنەوە، بەڵام هەوڵەکان بێ سوود بوون.
نیوەی دووەم چەند چرکەیەکی بەسەرچوو گارسیا ئاسیستی کرد و فێدێ ڤالڤێردی توانی ئەنجامی یارییەکەی بۆ خاوەن یاریگا یەکسان بکاتەوە.
یارییەکە بەردەوامبوو و یاریزانانی مێرنگیش ناوە ناوە خۆیان لە گۆڵی میوانەکەیان نزیک دەکردەوە، جارێکی دیکە گارسیا لە خولەکی 60 ئاسیستێکی دیکەی کرد و ئەمجارەیان خۆسێلۆ توانی گۆڵی دووەم و بردنەوەی یانەکەی بکات.
بەم شێوەیە ریال مەدرید پێنجەم بردنەوەی لەسەر یەکی لە خولی ئیسپانیا تۆمار کرد و بە کۆکردنەوەی 15 خاڵ لە پێشەنگایەتی خولەکە مایەوە.
