پاریس بە هۆکارێکی سەیر هەوڵی بۆ بێڵینگهام نەداوە

پاریس سان جێرمان پێویستی بە ناوەڕاستکارێک بووە کە هاوتای تواناکانی جود بێڵینگهام بێت بەڵام پاشگەزبوونەتەوە چونکە پێیان وایە یاریزانێکی ئێستای پاریس لە هەمان ئاستی ئەودایە.

بێڵینگهام بووەتە جێگەی باس و خواستی هەمووان پاش ئەو سەرەتا نایابەی لەگەڵ مەدرید نیشانی دەدات. ئەمڕۆ میدیای لێ پاریسیانی فەڕەنسی دەڵێت، پاریس بەر لە مەدرید بیری لەگواستنەوەی لاوە ئینگلیزییەکە کردبووەتەوە بەڵام لویس کامپۆسی بەڕێوبەر، دژی ئەو بیرۆکەیە بوو چونکە پێی  وابوو زەیر ئێمری لە هەمان ئاستی ئەودایە.

وارێن زەیر ئێمری دەرچووی ئەکادیمیای پاریسە و یانەکە گرنگییەکی زۆری پێدەدات، لە تەمەنی 17 ساڵیدا لە پێکهاتەی سەرەکی . یانەکەدایە

پارساڵ لە 26 یاری پاریسدا بەشداریکرد و ئەم وەرزەش لە سەرجەم یارییەکان بەشداربووە و خاوەنی یەک ئەسیستە.