یاریگا –
یانەی لیڤەرپوولی ئینگلیزی بە شێوازێكی نایاب خەڵاتی باشترین یاریزانی یاری نێوان یانەكەی و وۆلڤز بە محەمەد سەڵاح دەدات.
دوێنێ وۆلڤز لە یاریگای خۆیدا میوانداری لیڤەرپوولی كرد و یاریەكەش بە ئەنجامی سێ گۆڵ بەرامبەر گۆڵێك لە بەرژەوەندی یانەی میوان كۆتایی هات.
لەو یارییەدا محەمەد سەڵاح توانی دوو گۆڵ بۆ هاوڕێكانی درووست بكات.
لە دوای یارییەكە هەژماری فەرمی لیڤەرپوول لە تۆڕی كۆمەڵایەتی ئێكس نووسیوویانە: ” دوو ئەسیست و ئاستێكی سەرسوڕهێنەر لە لایەن باشترین یاریزانی یاری محەمەد سەڵاح ”.
لە كاتی راگەیاندنی خەڵاتەكەدا رێدز لۆگۆی كۆمپانیای سپۆنسەر كە كۆمپانیایەكی كهولیە لابرد، لە كاتێكدا لە یارییەكانی پێشوودا لەسەر وێنەكە بوو.
Another two assists and a stunning performance from our Player of the Match, @MoSalah 🙌 pic.twitter.com/TIlvukexKP
— Liverpool FC (@LFC) September 16, 2023
لە یارییەكانی پێشوودا و لە كاتی راگەیاندنی خەڵاتی باشترین یاریزانی یارییەكەدا وێنەكە بەو شێوەیە بوو، بەڵام لەگەڵ وەرگرتنی لەلایەن سەڵاحەوە سپۆنسەرەكە لابردرا.
Your @carlsberg Player of the Match…
Well deserved, Szobo 😎 pic.twitter.com/aiRZU8B2Sv
— Liverpool FC (@LFC) September 3, 2023
لە دوای دوو ئەسیستەكەی دوێنێ محەمەد سەڵاح بوو بە یەكەم یاریزانی مێژووی لیڤەرپوول لە پێنج یاری یەك لە دوای یەك لە دەرەوەی یاریگای ئانفیڵد گۆڵ درووست بكات.
هەروەها مۆ سەڵاح دووەم یاریزانی رێدزە بەشداری لە زۆرترین گۆڵ بكات بە 201 گۆڵ، لە دوای ستێڤن جێراردی ئەستێرەی یانەكە بە 120 گۆڵ و 93 ئەسیست.
لیڤەرپوول بە كۆكردنەوەی 13 خاڵ لە پلەی سێیەمی پرێمەرلیگ دێت لە دوای تۆتنهام و مان سیتی پێشەنگەوە.
