یاریگا –
وادەی گەڕانەوەی رۆنالد ئاراوخۆ بەرگریكاری ئۆرۆگوایی یانەی بارسێلۆنای ئیسپانی بۆ یاریگاكان ئاشكرا كرا.
لە كاتی بەشداریكردن لە راهێنانەكاندا لە ماسولكەكاندا تووشی پێكان هات و بەهۆیەوە ماوەیەك لە یاریگاكان دووركەوتەوە.
بەپێی زانیاریەكانی رۆژنامەی سپۆرت وادەی گەڕانەوەی ئاراوخۆ بۆ یاریگاكان نزیك بووەتەوە چاوەڕوان دەكرێت لە ماوەی داهاتوودا بگەڕێتەوە.
رۆژنامە ئیسپانیەكە ئەوەشی ئاشكرا كرد، بەرگریكارە ئۆرۆگواییەكە ناتوانێت لە یاری داهاتووی بارسێلۆنا بەرامبەر ریال بێتیس بەشداری بكات.
🔜 Araujo, cada vez más cerca
🗝️ La próxima semana será clave para el uruguayo y podría ser la de su regreso, aunque en ningún caso se le forzará
✍️ @bonagerman https://t.co/95lBuDRo7V
— Diario SPORT (@sport) September 14, 2023
سەرچاوەكە ئەوەشی ئاشكرا كرد، چاوەڕوان دەكرێت هەفتەی داهاتوو بۆ یارییەكەیان بەرامبەر رۆیاڵ ئانتفیرپ ئاراوخۆ بگەڕێتەوە یاریكردن لە یەكەم یاری یانە كەتەلۆنییەكە لە خولی یانە پاڵەوانەكانی ئەوروپادا.
چاوەڕوان دەكرێت رۆژی سێشەممەی داهاتوو بارسێلۆنا لە یەكەم یاری خولی یانە پاڵەوانەكانی ئەوروپای ئەم وەرزەدا میوانداری رۆیاڵ ئانتفیرپ بكات.
