یاریگا –
راپۆرتە رۆژنامەوانیەكانی ئینگلتەرا وادەی گەڕانەوەی پێپ گواردیۆلای ئیسپانی و راهێنەری یانەی مانچێستەر سیتی ئینگلیزیان بۆ راهێنەرایەتیكردنی ئەو یانەیە ئاشكرا كرد.
لە ماوەی رابردوودا پێپ گواردیۆلا نەشتەرگەری بۆ پشتی كرد و بەهۆیەوە لە دوو یاری رابردووی یانەكەی بەرامبەر یانەكانی شیفیلد یونایتد و فولهام نەیتوانی ئامادە بێت.
بەپێی زانیاریەكانی تۆڕی مانچێستەر ئیڤنینگ گواردیۆلا چاكبووەتەوە و ئامادەیە دوای گەڕانەوەی یاریزانەكان لە پشووە نێودەوڵەتیەكاندا بگەڕێتەوە بۆ راهێنەرایەتیكردنی یانەكە.
بەوەش پێپ دەتوانێت لە یاری داهاتووی پاڵەوانی ئەوروپا بەرامبەر وێستهام ئامادە بێت.
لە ماوەی رابردوودا و دوای نەشتەرگەریەكەی گواردیۆلا لە شاری بارسێلۆنای ئیسپانیا بووە بۆ چاكبوونەوە لەو نەشتەرگەریەی بۆیكراوە.
PEP 💬 [On winning the Treble] It’s once in a lifetime, I said to the players forget it. We climbed the highest mountain but now we come down the mountain and we start again with the same intention. pic.twitter.com/b1drd6086P
— Manchester City (@ManCity) August 10, 2023
وا بڕیارە رۆژی شەممە كاتژمێر 17:00 بەكاتی كوردستان وێستهام لە یاریگای خۆیدا میوانداری مانچێستەر سیتی بكات، لە میانی یارییەكانی هەفتەی پێنجەمی خولی ئینگلیزیدا.
