یاریگا –
خاڤیێر تێباس، سەرۆكی كۆمەڵەی خولی ئیسپانیا بەهۆی خەرجكردنی پارەیەكی زۆر بۆ گواستنەوەی یاریزانان هێرشدەكاتە سەر خولی رۆشنی سعودی.
یانەكانی خولی رۆشنی سعودی لە مێركاتۆی هاوینەدا چەندین یاریزانی گەورەی ئەوروپایان گواستەوە یانەكانیان دیارترینیان كەریم بێنزێما و نێیمار دا سێلڤا و چەندین ئەستێرەی گەورەی دیكە.
لە لێدوانێكی رۆژنامەوانیدا تێباس هێرش دەكاتە سەر ئەو كارانەی یانەكانی خولی رۆشنی سعودی كردیان لە مێركاتۆی هاوینەدا.
🇪🇸🎙 Javier Tebas : "Nous vivons la plus importante crise de ces dernières années dans le football espagnol"#interview #beINSPORTS pic.twitter.com/9wn9onaK2y
— beIN SPORTS (@beinsports_FR) September 10, 2023
لە لێدوانەكانیدا ووتی: ئەوروپا گەورەترین پیشەسازی تۆپی پێیە لە جیهاندا، ئەوە بەڕێکەوت نییە، یانەکان وەبەرهێنان لە پەرەپێدانی خۆیان و ناوبانگیان دەکەن، هەروەها پێشبڕکێکان دەیان ساڵە بەردەوامن، یانەکان و پێشبڕکێکان گرنگترن لە خودی یاریزانەکان، ئێستا یاریزانەكان دەچن و كاروانی وەرزشیان كۆتایی دێت، لە كاتێكدا یانەكان بۆ هەمیشە بەردەوام دەبن.
پرسیار لە تێباس كرا سەبارەت بە ناوی ئەو یانەیەی بێنزێما یاری بۆ دەكات و لە وەڵامدا ووتی: هەمووان دەڵێن ال..، تەواوی وشەكە نازانم، زۆركەس ناوی ئەو یانانە نازانن، بۆیە مەحاڵە بەمشێوەیە گەشەپێدان بكرێت.
لە كۆتایشدا ووتی: خولی ئیسپانی 200 ملیۆن فۆلۆوەری لە سۆشیال میدیا هەیە و خولێ سعودی تەنیا پێنج ملیۆنی هەیە، بۆ گەیشتن بە هەمان ژمارەی فۆڵۆوەرەکانی لالیگا، پێویستە زۆر شت پێشکەش بکەن لە رووی مافی دەنگی و بینین.
سەرجەم گرێبەستەكانی یانەكانی خولی رۆشنی سعودی لە ماوەی گواستنەوەكانی هاوینەدا.
