ئالفۆنسۆ دەیڤز لە بایرن میونشن یاخی دەبێت
یاریگا –
ئالفۆنسۆ دەیڤز، یاریزانی كەنەدی یانەی بایرن میونشنی ئەڵمانی بەمەبەستی پەیوەندیكردنی بە ریزەكانی ریال مەدریدەوە لە بایرن میونشن یاخی دەبێت.
ئالفۆنسۆ خواستی خۆی بۆ پەیوەندیكردنی بە ریزەكانی ریال مەدریدەوە دەربڕیوە و نایەوێت گرێبەستەكەی لەگەڵ یانە باڤارییەكە نوێ بكاتەوە.
بەپێی زانیاریەكانی رۆژنامەی ماركا دەیڤز دەستیكردووە بە یاخی بوون لە یانە ئەڵمانییەكە بۆ ئەوەی پەیوەندی بە ریال مەدریدەوە بكات.
گرێبەستەكەی ئالفۆنسۆ لەگەڵ میونشن لە هاوینی ساڵی 2025 بەسەردەچێت و نایەوێت گرێبەستەكەی لەگەڵ ئەو یانەیە نوێ بكاتەوە.
ریال مەدرید دەیەوێت باڵی چەپی بەرگری بەهێزتر بكات و لە گواستنەوەكانی هاوینەدا فران گارسیای گواستەوە ریزەكانی، بەڵام تا ئێستا یاریزانەكە بەشێوەیەكی باش خۆی بۆ ئانچێلۆتی نەسەلماندووە.
🚨| Real Madrid hasn’t stopped working on improving the squad & is already thinking about signings. Alphonso Davies is considered as the most necessary & desired signing by the club. @marca 🇨🇦 pic.twitter.com/KLs9cRDzgq
— Madrid Zone (@theMadridZone) September 10, 2023
بەپێی هەمان سەرچاوە، یانە شاهانەكە تا ئێستا هیچ هەنگاوێكی بۆ گواستنەوەی بەرگریكارە كەنەدییەكە نەناوە.
ئالفۆنسۆ لەم وەرزەدا لە كۆی سێ یاری سێ یاری سەرەكی بووە وتوانیویەتی سێ گۆڵ درووست بكات.
