یاریزانێکی بەرازیلی دەبێتە راپەر
یاریگا –
ئێمێرسۆن رۆیاڵ، یاریزانی تۆتنهام کلیپێکی راپی لە سۆشیال میدیا بڵاوکردووەتەوە و تیایدا بەهرەکانی خۆی نمایش دەکات.
لە ڤیدیۆکەدا، ئێمێرسۆن راپ بە زمانی پۆرتوگالی دەڵێت و لە چەند گرتەیەکدا، ئێستێلا براگا، خۆشەویستی ئێمێرسۆن بە سکپڕی دەردەکەوێت.
Best footballer in the world ✅
Best musician in the world ⏳
What can't Emerson Royal do? 🇧🇷👑pic.twitter.com/sxULjOBT3S— Barnaby (@thfcbarnaby) September 10, 2023
ئێمێرسۆن لە کاپشنی پۆستی ڤیدیۆکەی نووسیویەتی
ببینە، خۆشەویستی منداڵ، دەتوانێت چی بکات.
پێدەچێت ئێمێرسۆن چاوەڕێی یەکەم منداڵی خۆی بکات و وەک لە گۆرانییەکە باسی دەکات، هەموو شتێک لە ژیانی ئەودا دەگۆڕێت.
ئێمێرسۆن وەرزێکی باشی لەگەڵ سپێرز دەستپێکردووە، بەشداری لە سێ یاری پرێمەلریگدا کردووە و چاوی لە وەرزێکی نائاساییە لە ژێر سەرپەرشتی ئەینج پێستۆکۆگلو.
لە دوای تەواوبوونی ماوەی یارییەکانی نێودەوڵەتی، تۆتنهام رووبەڕووی بۆرنمس دەبێتەوە. یانەکەی باشووری بەریتانیا تاوەکو ئێستا هیچ یارییەکی نەبردووەتەوە، بەڵکو دوو دۆڕان و دوو یەکسانبوونی هەیە، کەچی ئێمێرسۆن و هاوڕێیەکانی، دەیانەوێت سێ خاڵ لە قەڵای ڤیتاڵیتی لە بۆرنمس وەربگرن.
