یاریگا –
ئێرلینگ هالاند، هێرشبەری نەرویجی یانەی مانچێستەر سیتی ئینگلیزی باس لە پەیوەندی نێوان خۆی و پێپ گواردیۆلای راهێنەر دەكات.
رۆژنامەی سپۆرت لێدوانەكانی گۆڵكارە نەرویجیەكەی بڵاوكردەوە كە تێیدا باسی لە پەیوەندی نێوان خۆی و پێپ گواردیۆلای راهێنەر دەكات.
دەربارەی پەیوەندی نێوانیان هالاند ووتی: بێگومان پەیوەندیی ئێمە زۆر باشە، ئەو لە کارەکانیدا داواكاری زۆرە، هەروەها زۆر راستەوخۆ و راستگۆیە لە قسەکانیدا، بەڵام ئەمە شێوازی بەڕێوەبردنی خۆیەتی، لە هەموو حاڵەتێکدا باشترە پێشبکەوین و بۆ پێشەوە بڕۆین.
ئاماژەی بە رووداوەكانی یارییەكەی بێرنلی كرد و ووتی: راهێنەر دەبێت راستەوخۆ هەموو راستیەكانت نیشان بدات، لە یەكەم یاری وەرزەكەدا دەتوانیت ئەوە ببینیت، بەڵام من پێزانینم هەیە چونكە ئەوە دەردەخات كە بە تەواوی پابەندە و هەمیشە باشترینی دەوێت.
"No siempre es agradable, pero te enfrenta a la verdad y sé que su objetivo es hacerte mejor jugador. Es un apasionado”.
🎙️Earling Haaland sobre la convivencia del día a día con Pep Guardiola. pic.twitter.com/QTxTnocAoM
— Havoline Deportivo (@havolinedeport) September 9, 2023
بەردەوام بوو ووتی: كەسایەتی پێپ كەسێكی رووخۆشە بەڵام ئەمە لە كاتی كاركردندا روونادات، بەڵام لە دەرەوە هەمیشە رووخۆشە.
لە كۆتایشدا ووتی: لەژێر راهێنەرایەتی پێپ گواردیۆلا زۆر بەرەو پێشەوە چووم، هەموو رۆژێك دەیبینم، پێموایە ئەنجامەكان ئەوە دەردەخەن.
هالاند لەم وەرخەدا دوای تەنیا چوار یاری توانیویەتی شەش گۆڵ بكات و لە پێشەنگی ریزبەندی گۆڵكارانی پرێمەرلیگ دێت.
