لە خولی ئیسپانیا رێز لە گیانی قوربانیانی بومەلەرزەکەی مەغریب دەگیرێت

یاریگا

کۆمەڵەی لالیگای ئیسپانیا سەرەخۆشی لە قوربانیانی بومەلەرزەکەی مەغریب دەکات و بڕیاریشە گەڕی داهاتووی خولەکانی رێز لە قوربانیەکان بگیرێت.

لە بەیاننامەیەکدا کۆمەڵەی لالیگای ئیسپانیا بڵاویکردەوە، بە هەماهەنگی لەگەڵ فێدراسیۆنی تۆپی پێ وڵاتەکەیان، گەڕی پێنجەمی خولەکەیان و هەروەها خولی پلە دووش، پێش دەستپێکردنی یارییەکان خولەکێک وەکو رێزگرتن لە قوربانیانی بومەلەرزەکەی مەغریب بەڕێوەدەچێت.

لە بومەلەرزەکەی شەوی رابردووی مەغریب نزیکەی 500 کەس گیانیان لەدەستداوە و تاوەکو دێت ژمارەی قوربانیەکان زیاتریش دەبێت.