یاریگا –
ئاردا گولەر، ئەستێرەی لاوی یانەی ریال مەدرید، لەو بەروارە زوتر دەگەڕێتەوە بۆ یاریکردن کە بۆی دیاریکرابوو.
ریال مەدرید لە وەرزی نوێی لالیگا چوار یاری ئەنجامداوە، لەهەر چوار یارییەکەدا سەرکەوتنی تۆمارکردووە و بە کۆکردنەوەی 12 خاڵ پێشەنگی خولەکەی گرتووە.
بەڵام مێرێنگی بەهۆی نەبوونی یاریزانی پێویست، لە هێڵی پێشەوەی تیپەکەی گرفتی گەورەی هەیە، جود بێڵینگهامی ئینگلیزیش بووەتە فریادڕەسی یانەکە لە چوار یاری رابردوو بەدوای یەکدا.
ئەستێرە تەمەن 20 ساڵانییەکەی هەڵبژاردەی ئینگڵتەڕا، لەیەکتێگەیشتنێکی زۆری هەیە لەگەڵ ئیبراهیم دیاز و ئاردا گولەردا، کە ئەوەی دووەمیان بەهۆی پێکان ماوەیەکە لە یاریکردن دوورکەوتووەتەوە.
دوای ئەوەی مانگی رابردوو ئاردا گولەر، بە نەچاری لە ئەژنۆیدا نەشتەرگەری بۆ کرا، پێشبینی دەکرێت یاریزانەکە زووتر لەو بەروارە بگەڕێتەوە کە بۆی دیاریکرابوو.
لەو بارەیەوە رۆژنامەی ئاس بڵاویکردووەتەوە، چاوەڕواندەکرێت یاریزانە تەمەن 18 ساڵانییەکە لە کۆتایی مانگی ئەیلول بگەڕێتەوە بۆ یاریکردن و ببێت بە بژاردەیەکەی نوێ و بەهێز بۆ کارلۆ ئانچێلۆتی راهێنەری یانەکە.
🚨 If all goes according to plan, Arda Güler should be ready for his first appearance by the end of September. @diarioas 🇹🇷🔥 pic.twitter.com/ph9g52Xu94
— Madrid Xtra (@MadridXtra) September 8, 2023
هاوکات پێگەی رێلێڤۆی ئیسپانیش لە راپۆرتێکدا بڵاویکردووەتەوە، پێشبینی دەکرێت گولەر لە کۆتایی مانگی ئەیلول بگەڕێتەوە بۆ یاریکردن، یاریزانەکە دەتوانێت لە رۆژی 30ـی ئەیلولدا چەند خولەکێک بەرامبەر بە یانەی جیرۆنا یاری بکات، لە میانی یارییەکانی گەڕی هەشتەمی لالیگادا.
وە دەتوانێت لە دووەم یاری ریال مەدرید لە خولی یانە پاڵەوانەکانی ئەوروپا بەرامبەر بە ناپۆلی لە رۆژی 30ـی تشرینی یەکەم بەشداری بکات، دواتریش لە 10ـی هەمان مانگ بەشێوەیەکی ئامادەتر رووبەڕووی یانەی ئۆساسونا ببێتەوە.
مێرێنگی لە مێرکاتۆی هاوینە ئاردا گولەری لە یانەی فەنەرباچێی تورکییەوە گواستەوە ریزەکانی بە بڕی 20 ملیۆن یۆرۆ، ناوبراو بۆ ماوەی 6 وەرز و تا هاوینی 2029 یاری بۆ یانە شاهانییەکە دەکات.
یانەی بارسێلۆنای ئیسپانی هەوڵێکی زۆریدا بۆ گواستەنەوەی ئەستێرە تورکییەکە، بەڵام ریال مەدرید بە گرێبەستێکی زەبەلاحتر هاتە ناو کێبڕکێی گواستنەوەی یاریزانەکە و گرێبەستەکەی لە بەرژەوەندی خۆی یەکلایی کردەوە.
Arda Güler continúa con su proceso de recuperación 🤍pic.twitter.com/jvkK0C6p7I
— REAL MADRID ♥️ (@AdriRM33) September 8, 2023
