مۆدریچ لەبارەی بێڵینگهامەوە دەدوێت
یاریگا –
لۆکا مۆدریچی ئەفسانەی ریار مەدرید بە ئاست بەرزی جود بێلینگهام سەرسام بووە.
یانەی ریال مەدرید توانی لە گواستنەوەی هاوینەدا لە مانچێستەر سیتی ئینگلیزی بباتەوە و جود بێلینگهام بگوازێتەوە بۆ سانتیاگۆ بێرنابیۆ.
هەر لە سەرەتای ئامادەبوونی لەم تیپەدا، ئەم ئەستێرە ئینگلیزییە دەریخست کە شایەنی ئەوە بووە بڕی 100 ملیۆن یۆرۆی لە گواستنەوەکەیدا خەرج بکرێت و بووە یەکێک لە پارچە سەرەکییەکانی کارلۆ ئەنچیلۆتی لە چەند یاری یەکەمدا و ناوبانگێکی زۆری بەدەستهێناوە.
مۆدریچ کە خاوەنی دەست کەوتی زۆرە لە ساڵانی یاریکردنی لە یانەی ریال مەدرید، سەبارەت بەم یاریزانە نوێیە گوتی:
بێلینگهام؟ دەبێ بڵێم کە جود بە شێوەیەکی باوەڕ پێنەکراو سەرسامی کردووم. هەمووان دەیانزانی یاریزانێکی زۆر بەتوانایە، بەڵام کاتێک لە نزیکەوە دەیبینیت، درک بە توانا و بەهرە تایبەتەکەی دەکەیت.
ئەفسانە کرۆواتییەکە لە درێژەی قسەکانی گوتی:
ئەو بە باشی لە لۆژیکی یارییەکە تێدەگات و هەستی پێدەکات. جود دەتوانێت هەر شتێک بەدەستبهێنێت کە دەیەوێت، هەروەها کەسایەتییەکی تایبەتی هەیە بۆ بەدەستهێنانی پێگەیەکی لەو شێوەیە. هەموو مەرج و تایبەتمەندییەکی پێویستی هەیە بۆ بەدەستهێنانی ژیانێکی پیشەیی نایاب.
🗣 Luka Modrić: “Bellingham? I have to say Jude has pleasantly surprised me. It was known he was talented, but when you see him up close, you only realize his potential. He really is a top talent. He has sense of the game, he can achieve what he imagines, he also has that… pic.twitter.com/ex7Yo6fS09
— Madrid Xtra (@MadridXtra) September 7, 2023
بێڵینگهام ئەو یاریزانە بوو کە توانی رۆڵێکی گرنگ بگێڕێت لە بەدەستهێنانی هەموو خاڵەکانی ریال مەدرید لە سەرەتای دەستپێکی ئەم وەرزەی لالیگا بە تۆمارکردنی گۆڵ لە هەموو یارییەکانی ئەم تیپەدا.
