یاریگا –
كریستیانۆ رۆناڵدۆ، ئەستێرەی پۆرتوگالی یانەی نەسڕی سعودی دووپاتیكردەوە ركابەری نێوان خۆی و لیۆنێل مێسی ئەستێرەی یانەی ئینتەر مەیامی ئەمریكی كۆتایی هاتووە.
لە ماوەی چەندین ساڵی رابردوودا هەردوو جەمسەرەكەی تۆپی پێ كریستیانۆ رۆناڵدۆ و لیۆنێل مێسی بەردەوام بوون لە كێبڕكێكردن و بردنەوەی نازناوە تاكە كەسی و بەكۆمەڵەكان و نمایشێكی جوانیان پێشكەشی هاندەران و عاشقانی تۆپی پێ كرد.
Ronaldo weighed in on the 'rivalry' between Messi and himself 👏 pic.twitter.com/OZ8HzZV5TI
— ESPN FC (@ESPNFC) September 6, 2023
لە كۆنگرەی رۆژنامەوانیدا پێش یارییەكەی پۆرتوگال بەرامبەر سلۆڤاكیا كریستیانۆ رۆناڵدۆ ووتی: كێبڕكێی نێوانمان كۆتایی هات، ئێستا هەردووكمان شتانێكی باش لە خولی سعودی و خولی ئەمریكی پێشكەش دەكەین.
بەردەوام بوو ووتی: ئەوانەی رۆناڵدۆیان خۆش دەوێت پێوویست ناكات رقیان لە مێسی بێت، ئێمە مێژووی تۆپی پێمان گۆڕی لەلایەن جیهانەوە رێزیان لێ دەگیرێت.
https://www.facebook.com/100044290096476/posts/pfbid0hQRnJUreSugcAvY8FmtVHhDSmpxdNqk55WzxPkTPG3JHuV8WoWVrdcQGBDmN4AWql/?mibextid=cr9u03
لە درێژەی قسەكانیدا ووتیشی: من شتەكان بەو شێوەیە نابینم، ماوەی 15 ساڵە لەگەڵ مێسی شانۆیەكی هاوبەش پێشكەش دەكەین، ناڵێم هاوڕێین، بەڵام رێزی یەكتر دەگرین.
وا بڕیارە رۆژی هەینی كاتژمێر 21:45 بە كاتی كوردستان سلۆڤاكیا میوانداری پۆرتوگال بكات، لە میانی پاڵاوتنەكانی یۆرۆی 2024.
