بەهۆی تەیلۆر سویفت بێڵنگهام شکست بە باڵدی دەهێنێت

یاریگا –

لە کێبڕکێی بەدەستهێنانی خەڵاتی “کۆپا” جود بێڵینگهام، بەهۆی تەیلۆر سویفت، پێش ئالیخاندرۆ باڵدی دەکەوێت.

ئەمڕۆ گۆڤاری فڕانس فووتبۆڵ ناوی 10 پاڵێوراو بۆ بەدەستهێنانی خەڵاتی کۆپا ئاشکرادەکات، کە خەڵاتەکە دەدرێت بە باشترین یاریزانی تەمەن خوار 21 ساڵان.

رۆژنامەی توتۆ سپۆرت راپرسییەکی بڵاوکردووەتەوە. پرسیوییەتی کام یاریزان شایستەی خەڵاتەکەیە، لە سەرەتادا بەرگریکارەکەی یانەی بارسێلۆنا 43%ـی دەنگەکانی بەدەستهێنابوو، لە بەرامبەردا ئەستێرە نوێیەکی ریال مەدرید خاوەنی 30% دەنگەکان بوو.

بەڵام لە ماوەیەکی کەمدا رێژەی دەنگەکان گۆڕانکارییەکی گەورەی بەسەرداهات، پاش ئەوەی لە بەرنامەیەکی تەلەڤیزیۆنی لە بارەی گۆرانیبێژی ناودار تایلەر سویفت، پرسیار لە باڵدی کرا، بەڵام ئەستێرەکەی بارسا لە وەڵامدا گوتی حەزم لە گۆرانییەکانی ئەو خانمە گۆرانیبێژە نییە.

ئەم لێدوانەی باڵدی هەوادارانی تایلەر سویفتی زۆر توڕە کرد، تا کار گەیشتە ئەوەی لایەنگرانی ئەو خانمە گۆرانیبێژە لە تۆڕە کۆمەڵایەتییەکان هەڵمەتێکیان دژی یاریزانە ئیسپانییەکە راگەیاند، ئەویش دەنگدان بوو بە جود بێڵینگهام بۆ بەدەستهێنانی خەڵاتی کۆپا، لە پێناو شکست هێنان بە باڵدی.

هەڵمەتەکەیان سەرکەوتوو بوو، بە جۆرێک رێژەی دەنگەکانی باڵدی لە 43% کەمیکرد بۆ 8%، رێژەی دەنگەکانی بێڵینگهامیش لە 30% زیادیکرد بۆ 89%، بەمشێوەیەش ئەستێرەکەی ریال مەدرید لە راپرسیی رۆژنامە ئیتاڵییەکە بە رێژەیەکی زۆر پێش ئەستێرەکەی بارسێلۆنا کەوت.

خەڵاتی کۆپا ساڵانە لەگەڵ خەڵاتی باڵۆندۆر دابەش دەکرێت، ساڵی رابردوو پابلۆ گاڤی یاریزانی لاوی یانەی بارسێلۆنا بووە براوەی خەڵاتەکە.

Baldé’s vote for the Golden Boy award went from 43% to 8% after the intervention of Taylor Swift fans and Bellingham’s vote went from 30% to 89%.

Insane. 😂 https://t.co/r2y9nxkyU3 pic.twitter.com/l2GkcGTHiy

— Football Tweet ⚽ (@Football__Tweet) September 6, 2023