یاریگا –
گەیمەرانی جیهان، بە تامەزرۆییەوە چاوەڕێی بڵاوبوونەوەی یەکەم ڤێرژنی یاری EA Sports FC 24.
یەکەمجارە کۆمپانیای EA بەبێ هاوبەشی لەگەڵ فیفا، ڤیدیۆگەیمی تۆپی پێ بڵاودەکاتەوە، بەڵام پرسیارەکان زۆربوون لەسەر گرێبەستی کۆمپانیاکە لەگەڵ یانە و خولە گەورەکانی جیهان. لەم بابەتەدا تەواوی وردەکارییەکانی رێککەوتنی کۆمپانیای EA لەگەڵ خول و یانەکان بڵاودەکەینەوە.
EA Sport FC 24 مۆڵەتی چەند یانە و خولی هەیە؟
کاری لە پێشینەی کۆمپانیای EA رێککەوتن بوو لەگەڵ خولە گەورەکانی جیهان، تاوەکو لە هەمان ئاستی ڤیدیۆگەیمەکانی پێشووی فیفا بمێنێتەوە.
بە گوێرەی بەڵێینەکانی کۆمپانیای EA, ڤیدیۆگەیمی ئێف سی سپۆرتس، داهاتووی داهێنان لە دامەزراوەییکردنی تۆپی پێ دەبێت. هەروەها مۆڵەتی 19 هەزار یاریزان، 700 یانە و هەڵبژاردە و 30 خولیان بەدەستهێناوە.
خولەکانی پرێمەرلیگ، چامپیۆنزلیگ، یۆرۆپالیگ، چامپیۆنزلیگی ئافرەتان، سێریا ئەی، لالیگا، ئێم ئێڵ ئێس، لیگ وەن، خولی رۆشن، بۆندسلیگا و دەیان خولی دیکە مۆڵەتیان بە کۆمپانیای EA داوە.
جیا لەمە، کۆمپانیای EA سپۆنسەری تەواوی خول و پاڵەوانیەتییەکانی ئیسپانیایە، لۆگۆی لەسەر درێسی ناوبژیوانان دەردەکەوێت. هەروەها لە کاتی یارییەکانیشدا، گرافیکەکانی EA لە تەواوی یارگادا دەبیندرێت.
EA Sports رێککەوتنی لەگەڵ چەند خول و پاڵەوانیەتیدا هەیە؟
| وڵات / هەرێم | خول / پاڵەوانیەتی |
|---|---|
| ئەرجەنتین | لیگا پڕۆفێشیۆنال دی فوتبۆڵ – خولی ئەرجەنتینی |
| ئوسترالیا و نیوزیلاند | ئەی لیگ – خولی هەردوو وڵاتەکە |
| نەمسا | بۆندسلیگای نەمسا |
| بەلجیکا | 1A پڕۆلیگ |
| چین | سوپەر لیگی چین |
| دانیمارک | 3f سوپەرلیگا |
| ئینگلتەرا | پرێمەرلیگ |
| ئەوروپا / نێودەوڵەتی | چامپیۆنزلیگ چامپیۆنزلیگ – خانمان یۆرۆپالیگ کۆنفرانسلیگ لیبێرتادۆرێس سودائامێریکانا |
| فەرەنسا | لیگ وەن ئوبەر ئیتس D1 ئارکێما لیگ 2 |
| ئەڵمانیا | بۆندسلیگا براون-بۆندسلیگا بۆندسلیگا .2 بۆندسلیگا .3 |
| هیندستان | هیرۆ ئیندیان سوپەرلیگ |
| ئایرلاند | ئێس ئێس ئی ئێرتریسیتی لیگ پرێمەر دیڤیژن |
| Italy | سێریا ئەی سێریا بی |
| کۆریای باشوور | کەی لیگ 1 |
| هۆڵەندا | ئێرێدڤیسێ |
| نەرویج | ئیلیتسێرن |
| پۆڵەندا | پڕۆ ئێکستراکلاسا |
| پۆرتوگال | لیگا پۆرتوگال |
| رۆمانیا | لیگا I |
| سعودیە | خولی رۆشن |
| سکۆتلاند | سکۆتش پڕفێشیۆناڵ فووتبۆڵ لیگ |
| ئیسپانیا | لالیگا EA SPORTS لیگا F لالیگا 2 هایپەرمۆشن V |
| سوید | ئاڵسڤێنسکان |
| سویسرا | کرێدت سویسێ سوپەر لیگ |
| تورکیا | سوپەرلیگ |
| ئەمرکا و کەنەدا | MLS |
| ئەمریکا | خولی نیشتمانی خانمان |
ڤیدیۆگەیمی EA Sports FC 24 لە 29ی ئەم مانگە دەکەوێتە بازاڕەکان، لەم لینکەوە دەتوانی پری-ئۆردەری بکەیت.
