یاریگا –
چاکبوونەوەی ڤینیسیۆس جونیۆر، بەوشێوەیە دەڕوات کە پلانی بۆ دانرابوو، بەڵام ریال مەدرید پەلە لە گەڕانەوەی ناکات.
یاریزانانی ریال مەدرید لەم وەرزە تووشی زنجیرە پێکانێکی سەخت بوون، تیبۆ کۆرتوای گۆڵپارێز چەند رۆژێک بەر لە دەستپێکی وەرزی نوێ تووشی پچڕانی بەستەری ئەژنۆ بوو، ئێدێری میلیتاوی بەرگریکاری یانەکەیش لە یەکەم گەڕی وەرزی نوێی لەلیگا تووشی هەمان پێکان بوو.
پێکانەکانی مێرێنگی بەوەندە نەوەستا، ڤینیسیۆس جونیۆری بەڕازیلی و ئەستێرەی یەکەمی تیپەکە، لە یارییەکانی گەڕی سێیەمی لالیگا بەرامبەر بە سێڵتا ڤیگۆ، تووشی پێکانێکی سەخت بوو، کە چاوەڕوان دەکرا یاریزانەکە 6 هەفتە لە یاریکردن دابڕێت.
🚨💣 JUST IN: First scans indicate Viní Jr. will be out for at least A MONTH. @MarioCortegana #rmalive pic.twitter.com/LKGVTZ5eI7
— Madrid Zone (@theMadridZone) August 28, 2023
دەنگۆی ئەوە بڵاوکرایەوە کە ڤینی بۆ دێربی مەدرید دەگەڕێتەوە و بەشداری یارییەکە دەکات، کە ئەو یارییە لە بەرواری 24/9/2023 لە یاریگای واندا میترۆپۆلیتانۆ بەڕێوەدەچێت.
بەڵام رۆژنامەی ئاس بڵاویکردووەتەوە، ریال مەدرید پەلە لە گەڕانەوەی ڤینیسیۆس جونیۆر ناکات، نایەوێت یاریزانەکە بخاتە مەترسییەوە، پلانی یانەکە وایە ڤینی لە بەرواری 22/10/2023 بۆ یاریی یانەکە بەرامبەر بە سێڤییا بگەڕێتەوە بۆ یاریکردن.
چاکبوونەوەی یاریزانە بەڕازیلییەکە بەوشێوەیە دەڕوات کە پلانی بۆ دانرابوو، لە ڤاڵدێباباس چارەسەری تەواوی بۆ دەکرێت، دۆخی یاریزانەکە تەواو جێگیرە، تەنانەی هەفتەی رابردوو لە ئیتاڵیا و لە شاری مۆنزا ئامادەی بینینی یارییەکانی پێشبڕکێی فۆرمولا 1 بوو.
تا ئێستا مێرێنگی زۆر هەستی بە کاریگەری دابڕانی ڤینی نەکردووە، بەرامبەر خێتافی خۆسێلو وەک شوێنگرەوەی یاریکرد و گۆڵێکیشی کرد، لەگەڵ ئەوەیشدا ناوبراو یەکێکە لە یاریزانە گرنگەکانیان و کارلۆ ئانچێلۆتی راهێنەر چاوەڕێی گەڕانەوەی دەکات.
✨ @F1 pic.twitter.com/viYdhrwBSL
— Vini Jr. (@vinijr) September 3, 2023
