دوایین هیوای ریال مەدرید بۆ گواستنەوەی كیلیان ئێمباپێ
یاریگا –
سەرەڕای داخستنی ماوەی گواستنەوەی هاوینی 2023 چیرۆكی نێوان كیلیان ئێمباپێ و ریال مەدرید بەردەوامە.
گواستنەوەكانی هاوینی ساڵی 2023 بە كۆتاییەكی خۆش بۆ یانە فەڕەنسیەكە كۆتایی هات، بە مانەوەی كیلیان ئێمباپێ لە ریزەكانی پاریس سان جێرمان.
ئێستا یانە فەڕەنسیەكە تووشی كێشە بووە بەوەی ئەستێرەی یەكەمی یانەكەی گرێبەستەكەی نوێ نەكردووەتەوە و لە ئەگەری نوێ نەكردنەوەیدا دەتوانێت لە گواستنەوەكانی هاوینی 2024 بە خۆڕایی لە یانەكە بڕوات.
رۆژنامەی لیكیپ دوایین پێشهاتەكان سەبارەت بە داهاتووی كیلیان ئێمباپێ ئاشكرا دەكات.
رۆژنامە فەڕەنسیەكە دووپاتیكردەوە، هەڵوێستی ئێمباپێ سەبارەت بە نوێكردنەوەی گرێبەستەكەی لەگەڵ پاریس سان جێرمان هیچ گۆڕانكاریەكی بەسەردا نەهاتووە، یاریزانەكە نایەوێت گرێبەستەكەی نوێ بكاتەوە و دەیەوێت لە ماوەی چەند مانگێكدا ئازاد بێت لەوەی یانەیەك بۆ خۆی هەلبژێرێت.
بەپێی راپۆرتەكەی لیكیپ، ئێمباپێ رەزامەندی دەربڕیوە لەسەر ئەوەی دەستبەرداری 100 ملیۆن یۆرۆ ببێت بۆ پاریس سان جێرمان بۆ ئەوەی بگەڕێتەوە بۆ یانەكە، دوای ئەوەی لە ئامادەكارییەكانی وەرزی 2023/2024 دوورخرایەوە، ئامانجیش لەو كارە ئەوە بووە كە بەشێوەیەكی ئاسایی یاری بكات.
🚨🚨 JUST IN: Kylian Mbappé has agreed to give up over €100M in bonuses to PSG in order to return to the squad, but he is NOT planning to extend his contract. @lequipe pic.twitter.com/Pls7vVQdo8
— Madrid Zone (@theMadridZone) September 4, 2023
ئەگەر شتەكان بەو شێوەیە بەردەوام بن ئەوا ئێمباپێ ئازادە لەوەی وەرزی داهاتوو پەیوەندی بە چ یانەیەكەوە بكات.
لەم وەرزەدا ئێمباپێ سێ یاری كردووە و توانیویەتی پێنج گۆڵ بكات كە دوو گۆڵیان بە لێدانی سزا بووە.
