سێڤییا گواستنەوەی سێرجیۆ رامۆس رادەگەیەنێت
یاریگا –
یانەی سێڤییای ئیسپانی لەم نزیکانە گواستنەوەی سێرجیۆ رامۆس رادەگەیەنێت.
رۆژنامەنووسی باوەڕپێکراو فابریزیۆ رۆمانۆ بڵاویکردووەتەوە، سێڤییا ئامادەکرای کردووە لە کاتێکی نزیکدا گواستنەوەی سێرجیۆ رامۆس رابگەیەنێت، پاش ئەوەی دوێنێ یەکشەممە هەردوولا گەیشتنە رێککەوتنی کۆتایی.
بەپێی زانیارییەکانی رۆمانۆ، گرێبەستی بەرگریکارە ئیسپانییەکە لەگەڵ سێڤییا تا هاوینی 2024 دەبێت، لەگەڵ بژاردەی نوێکردنەوەی گرێبەستەکە بۆ وەرزێکی دیکەش.
Sevilla are now set to announce Sergio Ramos as new signing after deal agreed on Sunday ⚪️🔴🇪🇸 #Sevilla
Contract until June 2024 with option for further season. Ramos will be part of the UCL list.
Sergio rejected approaches from Saudi and Turkey to return to Sevilla. pic.twitter.com/XAzyVpyQZE
— Fabrizio Romano (@FabrizioRomano) September 4, 2023
رۆمانۆ ئامەژەی بەوەیش کردووە، کاپتنەکەی پێشووی هەڵبژاردەی ئیسپانیا بەشێک دەبێت لە ئەو یاریزانانەی بەشداری یارییەکانی یانەکە دەکەن لەم وەرزەی چامپیۆنزلیگدا و ناوی یاریزانەکە بۆ لیستی یاریزانەکان زیاد دەکرێت.
رامۆس لە سێڤییا دەستی بە یاریکردن کردووە، بۆ ماوەی سێ وەرز درێسی یانە ئیسپانییەکەیشی پۆشیووە، لە دوای 18 ساڵ جارێکی دیکە دەگەڕێتەوە یانەی منداڵی، کە لە وەرزی 2005–2006 بە بڕی 27 ملیۆن یۆرۆ ئەو یانەیەی بەرەو یانەی ریال مەدرید جێهێشتبوو.
هاوکات یاریزانە تەمەن 37 ساڵانییەکە لە پێناو گەڕانەوە بۆ سێڤییا، ئۆفەری هەریەکە لە یانەکانی ئیتیحادی سعودی و گالاتاسەڕی تورکی رەتکردووەتەوە.
