یاریگا –
پاسەوانە تایبەتەکەی لیۆنێل مێسی، لە یاری رابردووی ئینتەر مەیامی بەرامبەر لۆس ئانجلێس، رێگری لە گەیشتنی هاندەران بۆ مێسی کرد.
مەیامی بە ئەنجامی 3-1 لە پاڵەوانی وەرزی رابردووی بردەوە و لیۆ دوو گۆڵی لە یارییەکەدا دروستکرد. بەم بردنەوەیە، یانەکەی مێسی لە گەیشتن بە قۆناخی پلەی ئۆف نزیکدەبێتەوە.
دەیان ئەستێرەی وەک لیبرۆن جەیمس، لیۆناردۆ دی کاپریۆ، جەیمس هاردن، شازادە هاری و دەیان کەسایەتی دیکە ئامادەی یارییەکە بوون، لە یارییەکەدا یاسین، پاسەوانەکەی مێسی سەرنجی هەمووانی راکێشا.
Messi's bodyguard doing his thing 😬#Messi𓃵 pic.twitter.com/4hjaqQctT3
— MARCA in English (@MARCAinENGLISH) September 4, 2023
پاسەوانەکەی مێسی بە درێژایی یارییەکە لە نزیکەوە چاودێری پاڵەوانی جیهانی دەکرد، لە پڕ هاندەرێک کە درێسی بارسێلۆنای پۆشیبوو و ناوی مێسی لەسەر درێسەکە نووسیبوو و هەوڵیدا لە مێسی نزیک ببێتەوە، بەڵام پاسەوانەکەی مێسی و ئەندامانی پاراستنی ئاسایشی یاریگاکە، رێگریان لێکرد.
مەیامی ئێستا لە پلەی 14می کۆمەڵەی رۆژهەڵاتدایە و هەشت خاڵ لەو پلانەوە دوورن، کە دەگەنە قۆناخی پلەی ئۆف و هێشتا 9 یاری ماون.
