یەکگرتنەوە رامۆس و بێنزێما نزیکە

یاریگا –

یانەی ئیتیحاد زۆر نزیکە لە بەدەستهێنانی واژۆی سێرجیۆ رامۆس، کاپتنی پێشووی ریال مەدرید.

بەر لە داخرانی بازاڕی گواستنەوەی خولی رۆشنی سعودیە لە 7ی ئەم مانگە، ئیتیحاد دەیەوێت هێڵی بەرگرییەکەی بەهێز بکات، ئەمەش دوای لەدەستدانی لویز فیلیپێ، بەرگریکاری ریال بێتیس.

پێگەی فووت مێرکاتۆ بڵاویکردووەتەوە، ئەگەرێکی بەهێز بۆ یەکگرتنەوەی کەریم بێنزێما و رامۆس لە ئیتیحاد هەیە.

لە دوای رێکنەکەوتنی لەگەڵ پاریس سانجێرمان، ئێستا ئەستێرە ئیسپانییەکە بێ یانەیە و هیچ بژاردەیەکی ئەوتۆی لە بەردەمدا نییە. یانەکانی بێشیکتاش و گاڵاتەسەرای هەوڵی زۆریان بۆ گواستنەوەی رامۆسدا، بەڵام بە ئۆفەرەکان رازی نەبوو. ئێستاش ئیتیحاد هەوڵی جدی لەگەڵداوە و رەنگە لە چەند رۆژی داهاتوودا، رامۆس بە جلە سپی و رەشەکانی یانە سعودییەکە ببینین.

رۆژی 14ی ئەم مانگە، ئیتیحاد جارێکی دیکە یارییەکانی خولی رۆشنی دەستپێدەکاتەوە و رووبەڕووی ئەخدوود دەبێتەوە.