کۆتا سەرچاوە کە هێشتا بڕوای بە گواستنەوەی ئێمباپێ یە بۆ مەدرید
گواستنەوەی کیلیان ئێمباپێ نزیک بووەتەوە لە مەحاڵ بەڵام هێشتا سەرچاوەیەکی نزیک لە یانە فەڕەنسییەکە پێی وایە ئێمباپێ دەچیتە مەدرید.
رۆژنامە و رۆژنامەنووسەکانی فەڕەنسا و ئیسپانیا و ئەورووپا سەرجەمیان دەڵێن، ئەو باسە کۆتایی هاتووە و ئێمباپێ ئەم هاوینە لە پاریس دەمێنێتەوە.
بەڵام گەورەترین پێگەی هاندەرانی پاریس سان جێرمان دەڵێن زانیاری ووردەمان لەناوخۆی یانەکە دەستکەوتووە و بەر لە داخستنی بازاڕی گواستنەوە کیلیان دەبێتە یاریزانی مەدرید.
بابەتەکە سەرەتا لە 23ی ئەم مانگەدا بڵاوکرایەوە بەڵام لەوکاتەوە بەردەوام ئەو بابەتە دووپاتدەکەنەوە.
🚨🚨🚨EXCLU @PSGCOMMUNITY_
Kylian Mbappé et le PSG, c’est TERMINÉ! ❌
L’attaquant va rejoindre le Real Madrid dès cet été. L’Émir et Florentino Perez se sont mis d’accord pour un transfert de 250M€ (dont 50M€ de bonus).
Toutes les infos exclusives: https://t.co/fTyJEHSpRx ◀️ pic.twitter.com/qWbTkvA5LG
— PSG COMMUNITY (@psgcommunity_) June 22, 2023
بەگووتەی پێگەکە، ئەوەی ئێستا هەیە هەمووی سیناریۆیە و ماوەیەکی زۆرە هەمووی کۆتایی هاتووە. ئەمڕۆش ئەو پێگەیە جارێکیتر ئەو بابەتەیان دووپاتکردەوە و داوایان کرد هەموولایەک ئارام بگرن تا کۆتا رۆژی بازاڕی گواستنەوە.
فابریزیۆ رۆمانۆی رۆژنامەنووسی ناودار، هاوشێوەی پێگە باوەڕپێکراوەکانی دیکە سوورە لەسەر ئەوەی مەدرید ئەم هاوینە هیچ ئۆفەرێکی مەدرید نەگەیشتووەتە پاریس و ئەو یاریزانە دەمێنێتەوە.
