مانچێستەر سیتی زۆرترین چانسی بۆ بردنەوەی چامپیۆنزلیگ هەیە
یاریگا
هەرسێ یانەی مانچستەر سیتی و بایرن میونشن و ڕیال مەدرید زۆرترین چانسی بەدەستهێنانی نازناوی چامپیۆنزلیگیان هەیە.
بە گوێرەی لێکۆلینەوەیەکی ماڵپەر ESPN، مانچستەر سیتی کە بە شایستەیی بۆ یەکەمجار لە وەرزی رابردوو نازناوی چامپیۆنزلیگی ئەوروپای بەدەستهێنا، زۆرترین چانسی هەیە بۆ بردنەوەی گرنگترین پاڵەوانێتی یانەکانی جیهان لە وەرزی نوێدا.
دوای یانەکەی پاڵەوانی وەرزی رابردووی چامپیۆنزلیگ، بایرن میونشن دووەم زۆرترین چانسی بۆ بردنەوەی ئەم پاڵەوانێتییە هەیە. ئەمێش بەهۆی ئەوەی کە توانیویانە ئەم هاوینە یەکێک لە باشترین هێرشبەرەکانی جیهان کە هاری کەینە بگوازنەوە ریزەکانیان.
لە پلەی سێیەمیشدا ڕیاڵ مەدریدی پادشای ئەوروپا دێت، ئەو تیپەی کە 14 جار ناسناوی پاڵەوانتییەکەی بەدەستهێناوە، لە پلەکانی دیکەش ئارسینال و بارسێلۆنا و پاریس سانجێرمان و مانچیستەر یونایتد و نیوکاسل و ناپۆلی و ئاتلێتیکۆ مەدرید دێن.
