سێرجیۆ رامۆس خۆی یەکلایی دەکاتەوە

یاریگا –

ئەفسانەی ئیسپانی سێرجیۆ رامۆس، نزیکە لە یەکلایی کردنەوەی داهاتووی خۆی.

سێرجیۆ رامۆس لە مانگی حەوتی ئەمساڵ گرێبەستەکەی لەگەڵ پاریس سانجێرمانی فەڕەنسی کۆتایی هات و ماڵئاوایی لە یانەکە کرد، تا ئێستایش گرێبەستی لەگەڵ هیچ یانەیەکدا واژۆ نەکردووە.

رۆژنامەی مارکا بڵاویکردووەتەوە، بەرگریکارەکەی پێشووی ریال مەدرید، لە خولی سعودیە، خولی ئەمریکا و یانەی گاڵاتاسەڕای تورکیش گرێبەستی پێشکەشکراوە، بەڵام تا ئێستا بڕیاری کۆتایی نەداوە.

ئۆفەری یانە تورکییەکە بۆ رامۆس سەرنجڕاکێشترین ئۆفەرە، چوونکە دوێنێ سێشەممە بە فەرمی یانەکە خۆی گەیاندە قۆناخی کۆمەڵەکانی خولی یانە پاڵەوانەکانی ئەوروپا.

👉 𝐄𝐥 𝐆𝐚𝐥𝐚𝐭𝐚𝐬𝐚𝐫𝐚𝐲 𝐭𝐮𝐫𝐜𝐨, una opción de Champions para Sergio Ramos

📌 El campeón de Turquía se presenta como alternativa europea a las ofertas en otros mercados

🖋 @Juan_Castro_10 https://t.co/Rnkt23BhRo

— MARCA (@marca) August 30, 2023

رامۆسیش دەیەوێت لە ئەوروپا بمێنێتەوە، لە تیپێکی باش و پاڵەوانێتی گەورە یاری بکات، هەروەها مووچەیەکی باشیشی هەبێت، بەمەش گاڵاتاسەڕای دەبێتە ئەو یانەیەی کە رامۆس دەیەوێت یاری بۆ بکات.

رۆژنامە ئیسپانییەکە ئامەژەی بەوەیش کردووە، رامۆس پەلە ناکات لە بڕیاردان، چوونکە مێرکاتۆی سعودیە تا 20 مانگ بەردەوام دەبێت، لە تورکیاش تا 15 مانگ دەرگای بازاڕی گواستنەوە داناخرێت، ئەمەش وادەکات برگریکارە تەمەن ساڵانییەکە کاتێکی باشی لە بەردەستبێت بۆ هەڵبژاردنی یانەی داهاتووی.