بارسێلۆنا شوێنگرەوەی دێمبێلی دەگوازێتەوە
یاریگا –
یانەی بارسێلۆنای ئیسپانی هەوڵی جدی بۆ گواستنەوەی شوێنگرەوەی عوسمان دێمبێلی یاریزانی پێشووی یانەكەی و ئێستای پاریس سان جێرمانی فەڕەنسی دەدات.
ناوی جواو فێلیكسی پۆرتوگالی و ئەستێرەی یانەی ئاتلێتیكۆ مەدریدی ئیسپانی بە بارسێلۆناوە بەستراوەوەتەوە، لە دوای رۆیشتنی دێمبێلی و نوێكردنەوەی گرێبەستی بێرناردۆ سێلڤا.
فابریزیۆ رۆمانۆ رۆژنامەنووسی ئیتاڵی و شارەزا لە بازاڕی گواستنەوەی یاریزانان لە هەژماری تایبەتی خۆی لە تۆڕی كۆمەڵایەتی ئێكس ئاشكرایكرد، بارسێلۆنا بەمزوانە هەنگاوی جدی بۆ گرێبەستی جواو فێلیكس دەنێت.
ئەوەشی ئاشكرا كردووە، لە ماوەی 48 كاتژمێردا یانە كەتەلۆنییەكە هەوڵی گواستنەوەی یاریزانە پۆرتوگالیەكە دەدات.
بارسێلۆنا لەناوخۆییدا گفتوگۆ دەكات بۆ ئەوەی بزانێت ئایا دەتوانێت گرێبەستەكە ئەنجام بدات، لە دوای ئەو قەیرانە داراییەی رووی لە یانەكە كردووە بۆ ئەوەی رووبەڕووی یاسای یاریزانە خاوێن نەبێتەوە.
یانەکە هەموو هەوڵێک دەدات، چونکە جواو دەیەوێت یاری بۆ بارسا بکات و خوان لاپۆرتای سەرۆکی یانەکەش ئارەزووی گواستنەوەی دەکات.
Barcelona are prepared to activate the ‘operation João Félix’ in the next 48h — board working to find solution to make it happen with FFP 🚨🔵🔴 #FCB
João, only waiting for Barça since that interview in July.
He’d only consider other clubs or Saudi if Barça deal collapses. pic.twitter.com/UGytt0W9eB
— Fabrizio Romano (@FabrizioRomano) August 30, 2023
رۆمانۆ ئەوەشی ئاشكرا كردووە، جواو فێلیكس تەنیا بارسێلۆنای دەوێت و بیر لە هیچ یانەیەكی دیكە ناكاتەوە.
وەرزی رابردوو فێلیكس بەشێوەی خواستن یاری بۆ چێڵسی ئینگلیزی كرد و دوای كۆتاییهاتنی ماوەی خواستنەكەی گەڕایەوە ئاتلێتیكۆ مەدرید.
