نۆیەر مەشقەکانی دەستپێکردەوە

یاریگا –

مانوێل نۆیەر، گۆڵپارێزی ئەڵمانی دوای دابڕانی بۆ ماوەی 9 مانگ، مەشقەکانی لەگەڵ بایرن میونشن دەستپێکردەوە.

نۆیەری 37 ساڵان لە دیسێمبەری ساڵی رابردوو، پێی شکا و لەوکاتەوە، بەشداری لە هیچ چالاکییەکی وەرزشیدا نەکردووە.

ئێستا خەریکە نۆیەر بە تەواوی چارەسەری دەبێت، دوێنی دووشەممە، بەشداری لە مەشقەکاندا کرد.

تاوەکو ئێستا دیارنییە کەی نۆیەر بە تەواوی مەشقەکان دەستپێدەکاتەوە، بەڵام لە هەنگاوی یەکەمدا، مەشقە بە کۆمەڵەکانی دەستپێکردووەتەوە.

سڤێن ئولریخ، گۆڵی بایرن میونشنی لە یاری رابردوو بەرامبەر ئوگسبورگ پاراست و رۆژی هەینی رابردووش، میونشن گرێبەستی لەگەڵ دانیێل پێرێتز، گۆڵپارێزی ماکابی تەل ئەڤیڤ واژۆ کرد.