یاریگا
جۆری پێکانەکەی ڤینیسیۆس جونیۆر هێرشبەری بەڕازیلی یانەی ریال مەدریدی ئیسپانیا دیاریکرا.
ماڵپەری فەرمی یانەی ریال مەدریدی ئیسپانیا بڵاویکردەوە، دوای ئەنجامدانی پشکنینی پزیشکی، دەرکەوت هێرشبەرە بەڕازیلیەکەیان لە رانی راستی تووشی پێکان بووە.
سەرچاوەکە هیچ ئاماژەیەکی بە وادەی دوورکەوتنەوەی ڤینیسیۆس لە یاریگاکان نەکردووە، تەنها ئەوە نەبێت کە پێویستی بە نەشتەرگەری نیە.
لەلایەکی دیکەوە بەرنامەی ئێلچرینگیتۆی بەناوبانگی ئیسپانیا بڵاویکردەوە، ڤینیسیۆس بەهۆی ئەم پێکانەی نزیکەی یەک مانگ و نیو لە یاریگاکان دوور دەکەوێتەوە و لانی کەم بەشداری 5 یاریی یانەکەی ناکات.
