پاریس سانجێرمان ئۆفەرێکی فەرمی پێشکەش موانی کرد

یاریگا –

پاریس سانجێرمان لە سەرەتای مێرکاتۆی ئەم هاوینەدا، چاودێری دۆخی راندال کۆلۆ موانی، هێرشبەری ئێنتراخت فرانکفورت دەکات.

پاریس ئۆفەرێکی فەرمی خستووەتە بەردەم یانە ئەڵمانییەکە، ئۆفەرەکەی پی ئێس جی بریتییە لە 80 ملیۆن یۆرۆ، کەچی یانەکەی فرانکفورت داوای بڕی 100 ملیۆن یۆرۆ دەکات.

سانجێرمان ئامادەیە جیا لە 80 ملیۆن یۆرۆ، هوگۆ ئێکیتیکێ، تێهەڵکێشی گرێبەستەکە بکات و لە بەرامبەر موانی، بچێتە فرانکفورت.

کۆلۆ موانی لە وەرزی رابردوودا، 23 گۆڵ و 14 ئەسیستی لەگەڵ ئێنتراخت هەبوو. ئەمەش ژمارەیەکی گەورەیە بۆ یاریزانێکی لاو و رەنگە لەگەڵ کیلیان ئێمباپێ و عوسمان دێمبێلی، وەرزێکی نموونەیی پێشکەش بکەن.

لەبەر ئەوەی ماوەی گواستنەوەکان چەند رۆژێکی ماوە، ئێستا هەردوو یانەکە لە نزیکەوە گفتوگۆ دەکەن، تاوەکو بگەنە رێککەوتنێکی گشتگیر، کە رەزامەندی هەردوو لایەنی لەسەر بێت.