دۆناروما باس لە داهاتووی ئێمباپێ دەكات
یاریگا –
جیانلویجی دۆناروما، گۆڵپارێزی ئیتاڵی یانەی پاریس سان جێرمانی فەڕەنسی باس لە داهاتووی كیلیان ئیمباپێی فەڕەنسی و ئەستێرەی یانەكەیان دەكات.
گرێبەستەكەی ئێمباپێ لەگەڵ پاریس سان جێرمان لە هاوینی ساڵی 2024 بەسەردەچێت.
شەوی رابردوو پاریس سان جێرمان لە یاریگای خۆیدا میوانداری لێنسی كرد و یارییەكەشی بەئەنجامی سێ گۆڵ بەرامبەر گۆڵێك لێ بردەوە، لە میانی یارییەكانی هەفتەی سێیەمی خولی فەڕەنسیدا.
گۆڵەكانی پاریس لەلایەن ماركۆ ئەسێنسیۆ لە خولەكی 44 و كیلیان ئێمباپێ لە خولەكەكانی 52,91 تۆمار كران.
🎙️ Gianluigi Donnarumma, gardien du @PSG_inside : "Oui, Kylian va rester c'est sûr "
Le portier salue sa complicité avec Kylian Mbappé et l'apport de Luis Enrique dans le groupe. #PSGRCL #PSG pic.twitter.com/6ijAoPmaZi
— Free Ligue 1 (@FreeLigue1) August 26, 2023
لە لێدوانێكی تەلەفزیۆنیدا لە دوای یارییەكەیان دۆناروما ووتی: ئەوە شانازیە بۆ من كە لەگەڵ كیلیان یاری دەكەم، هەستێكی نایابە یاریكردن لەگەڵیدا.
لە وەڵامی ئەو پرسیارەی ئایا دەمێنێتەوە؟ دۆنارۆما ووتی: بەڵێ، بەڵێ، بێگومان دەمێنێتەوە.
پێشتر سەرچاوەكان ئاماژەیان بەوەدەكرد كە گفتوگۆكان بەردەوامە لەنێوان پاریس و ئێمباپێ بۆ نوێكردنەوەی گرێبەستەكەی.
