یاریگا –
کێپا ئاریزابالاگا، لە یەکەم یاری بە درێسی ریال مەدرید، هاندەرانی یانەکەی نیگەران دەکات.
شەوی رابردوو لە میانی یارییەکانی گەڕی سێیەمی لالیگا، ریال مەدرید لە یاریگای دێ بالادیۆس بووە میوانی سێڵتا ڤیگۆ، یارییەکەیش بە زەحمەت و بە تاکە گۆڵێکی جود بێڵینگهام لە خولەکی 81 بردەوە و سێیەم سەرکەوتنی بەدوای یەکی لە وەرزی نوێی خولەکە بەدەستهێنا.
کارلۆ ئانچێلۆتی راهێنەری یانەکە لەم یارییە بەشێوەی سەرەکی پشتی بە گۆڵپارێزی نوێی تیپەکە کێپا ئاریزابالاگا بەست کە بەشێوەی خواستن لە چێڵسی لەندەنییەوە پەیوەندی بە مەدریدەوە کردووە.
بەڵام یەکەم دەرکەوتنی گۆڵپارێزە ئیسپانییەکە بە دڵی هاندەرانی یانەکە نەبوو، چوونکە دوای تەنیا 2 خولەک لە دەستپێکی یارییەکە بە لێدانێکی دوور مەودا گۆڵی یەکەمی لێکرا، بە جۆرێک کە ئەم جۆرە گۆڵانە ئاشنابوو بۆ ئەو کەسانەی پێشتر یاری گۆڵپارێزەکەیان بینیبوو.
خاڵێکی لاوازی گۆڵپارێزە تەمەن 28 ساڵانییەکە ئەوەیە زۆر کات لە گەڕاندنەوەی لێدانی دوور مەودا سەرکەوتوو نییە، بەڵام شەوی رابردوو بەخت یاوەری بوو، ڤار یاریزانەکەی رزگارکرد و بەهۆی هەبوونی فاوڵیک و راکێشرانی درێسی گۆڵپارێزەکە بەر لە گۆڵەکە ناوبژیوان گۆڵەکەی ڤیگۆی رەتکردەوە.
بەڵام هەموو یارییەکە بە بەخت رزگاری نابێت، بەهۆی پێکانە درێژخایەنەکەی تیبۆ کۆرتوا، یانەکە پێویستی بە کێپایە ئاستێکی بەرز پێشکەش بکات و ببێت بە فریادڕەسێکی تیپەکە.
El @RCCelta marcó en el segundo minuto de juego, pero fue anulado por falta a Kepa 👀
La acción por la que el colegiado anuló el primer tanto del partido #LALIGAenDAZN ⚽ pic.twitter.com/lCESYOsCZJ
— DAZN España (@DAZN_ES) August 25, 2023
