ئیسپانیا
پێدری ماوەیەکی زۆر یاری ناکات
یاریگا
پێدری ناوەڕاستکاری بارسێلۆنا لە راهێنانەکانی یانەکەی تووشی پێکانێکی قورس بووە و چاوەڕێ دەکرێت ماوەیەکی زۆر لە یاریگاکان دوور بکەوێتەوە.
بەگوێرەی زانیارییەکانی ڕۆژنامەی ئێس پی ئێن و ڕۆژنامەڤانانی نزیک لە بارسێلۆنا، پێدری بەهۆی ئەو پێکانەی لە قاچی ڕاستیدا تووشی بووە، لانیکەم بۆ ماوەی 5 بۆ 6 هەفتە لە یاریگاکان دوور دەکەوێتەوە.
پێدری جگە لەوەی لە مانگی ئەیلولدا بەشداری یارییەکانی هەڵبژاردەی وڵاتەکەی ناکات، لە یارییەکانی لالیگاشدا بەشداری ناکات کە بەرامبەر ڤیاریال، ئۆساسۆنا، ڕیال بیتیس، سێلتاڤیگۆ، مایۆرکا و ئەگەری هەیە بۆ یارییەکەی بەرامبەر سێڤییاش بەشداری نەکات.
پێدری لەم وەرزە خولی ئیسپانیا بەشداری دوو یاری بارسێلۆنای کردووە و لەم دوو یارییە گۆڵێکی بۆ یانەکەی تۆمار کردووە.
