یاریگا –
کارلۆ ئانچێلۆتی، راهێنەری ریال مەدرید ستایشێکی زۆری جود بێڵینگهام دەکات و رۆڵێکی نوێی پێدەدات.
ئەستێرەی ئینگلیزی، زریانێکی لە لالیگا دروستکردووە و لە دوو یاریدا سێ گۆڵی کردووە و ئەسیتێکیشی هەیە، تاوەکو ئێستا ریال مەدرید، شوێنگرەوەی کەریم بێنزێمای دەستنیشان نەکردووە کە لە سەرەتای مێرکاتۆی هاوینەدا، پەیوەندی بە ئیتیحادی سعودییەوە کرد.
تاوەکو ئێستا ریال مەدرید بێ یاریزانی ژمارە 9یە و سەرەڕمی نییە، بەڵام پلانەکەی ئانچێلۆتی جیاوازە و دەیەوێت بێڵینگهام، بکاتە یاریزانی ژمارە 9.
کارلۆ ئانچێلۆتی، میوانی رادیۆی سێریائەی بوو و بەم شێوەیە باسی دۆخەکەی کرد
پێمان وایە، هاتنی بێڵینگهام، دەتوانێت شوێنی کەریم، پڕ بکاتەوە و شتێکی واقعییە. بێڵینگهام یاریزانێکی لاوە و کوالێتی زۆر بەرزە. ئەوەی دەیکات من تووشی سەرسوڕمان نەکردووە، تەنیا ئەوەی سورپرایزم دەکات، جود تەنیا تەمەنی 20 ساڵە.
بێڵینگهام لە ریال مەدرید دڵخۆشە و ئاستێکی نموونەیی پێشکەش دەکات و پێدەچێت، رۆڵێکی باڵا لەم وەرزەی مەدرید بگێڕێت.
