خولی سعوودی پێش هۆڵەندا کەوت و ئێستا لە ریزبەندی دەهەمی گرانبەهاترین خولەکانی جیهانە.
بەپێی پۆڵێنی پێگەی ترانسفێرمارکێتی جیهانی ، خولی ئینگلیزییەکی بە جیاوازیەکی زۆر لە پلەی یەکەمدایە، هەرچەندە لالیگا هێشا هەر لە پلەی دووهەمە بەڵام نزیکە لەوەی داببەزێت بۆ سێهەم و کاڵچیۆ جێگەی بگرێتەوە.
ریزبەندییەکە بەپێی نرخی یاریزانانی سەرجەم یانەکان لەو خولەدا دیاریکراوە و بەم جۆرەیە:
- پریمەرلیگ 10.48 ملیار یۆرۆ
- لالیگا 4.67 ملیار
- سیریە ئەی 4.52 ملیار
- بۆندزلیگا 4.1 ملیار
- خولی فەڕەنسی 3.48 ملیار
- خولی بەڕازیلی 1.46 ملیار
- خولی ئەمریکی 1.29 ملیار
- خولی پۆرتوگالی 1.24 ملیار
- خولی تورکی 1.07 ملیار
- خولی سعوودی 1.02 ملیار
- خولی هۆڵەندی 1.01 ملیار
هەریەک لە خولەکانی بۆندزلیگا، فەڕەنسا، پۆرتوگال، سعوودیە و هۆڵەندا 18 یانەیان هەیە لە بەرزترین پلەی وڵاتەکەیان ئەمەش کاریگەری لەسەر ریزبەندییەکە دروست کردووە. هەروەها خولی ئەمریکی ٢٩ یانەی هەیە.
