یاریگا –
راپۆرتە رۆژنامەوانیەكانی فەڕەنسا ریزبەندی كاپتنەكانی یانەی پاریس سان جێرمانی فەڕەنسیان بۆ یارییەكانی ئەم وەرزە ئاشكرا كرد.
گرێبەستەكەی ئێمباپێ لەگەڵ پاریس سان جێرمان لە هاوینی ساڵی داهاتوودا بەسەردەچێت.
هێرشبەرە فەڕەنسیەكە ئیدارەی یانەكەی ئاگادار كردووەتەوە كە نایەوێت گرێبەستەكەی لەگەڵ یانەكەی نوێ بكاتەوە.
بەپێی زانیارییەكانی رۆژنامەی لیكیپی فەڕەنسی ماركینیۆس بەرگریكاری یانە فەڕەنسیەكە بە كاپتنی یەكەمی یانەكە هەڵبژێردرایەوە.
Marquinhos élu capitaine par ses coéquipiers du PSG https://t.co/ldjxVI1RXE pic.twitter.com/rZrh4N9sll
— L'ÉQUIPE (@lequipe) August 22, 2023
هەروەها مۆنتی كارلۆ ئاشكرایكرد كیلیان ئێمباپێ نابێتە كاپتنی یەكەمی پاریس سان جێرمان بۆ وەرزی ئێستا.
لە راپۆرتەكەشدا هاتووە، ئێمباپێ لە ریزبەندی چوارەمی كاپتنەكانی پاریس سان جێرمان بە راهێنەرایەتی لویس ئێنریكێ دێت.
ئاماژە بەوەشكراوە، ماركینیۆس كاپتنی یەكەم و دووەم دانێلۆ پێرێرا، سێیەم كیمبێپێ و چوارەمیش كیلیان ئێمباپێ دەبێت.
راپۆرتەكان ئاماژە بەوە دەكەن ئێمباپێ لەگەڵ ریال مەدرید گەیشتووەتە رێككەوتن بۆ ئەوەی وەرزی داهاتوو پەیوەندی بە یانە ئیسپانیەكەوە بكات.
