بە ڤیدیۆ رۆڵی سەرکردەیی بێڵینگهام لە ریال مەدرید ببینە
یاریگا –
تاوەکو ئێستا جود بێڵینگهام، یاریزانی نوێی ریال مەدرید بە باشترین گرێبەستی ئەم وەرزەی لۆس بلانکۆس دادەندرێت.
تۆڕی هەواڵی DAZN چەند گرتەیەکی بێڵینگهامی لە یاری رابردووی ریال مەدرید بەرامبەر ئالمێریا بڵاوکردووەتەوە، تیایدا رۆڵی سەرکردەیی بێڵینگهام دەردەکەوێت.
بێڵینگهام لە مێرکاتۆی ئەم هاوینەدا، بە بڕی زیاتر لە 100 ملیۆن یۆرۆ لە بۆڕووسیا دۆرتموندەوە پەیوەندی بە ریال مەدرید کرد. لەو هەردوو گەڕی سەرەتای لالیگا، بێڵینگهام رۆڵێکی باڵای لە سەرکەوتنەکانی لۆس بلانکۆسدا گێڕاوە.
تاوەکو ئێستا بێڵینگهام سێ گۆڵی کردووە و دوو گۆڵیشی دروستکردووە.
❗️Di pertandingan melawan Almería Viní Jr dilanggar, dia meminta wasit untuk memberikan kartu kuning ke pemain yang melanggarnya. Bellingham datang menghampiri Viní dan memintanya untuk fokus ke pertandingan. Jude 'mengarahkan' kepala Viní. 🏴🇧🇷 [📰 DAZN] pic.twitter.com/MEpCGN4ms3
— Seputar Real Madrid (@SeputarMadrid) August 22, 2023
تۆڕی هەواڵی DAZN گرتەیەکی بڵاوکردووەتەوە، کاتێک بێڵینگهام زوو خۆی دەگەیەنێتە ڤینیسیۆس جونیۆر و هێوری دەکاتەوە، ئەمەش دوای هەژمارکردنی فاوڵێک لەسەر یاریزانەکە.
بێڵینگهام لەگەڵ دروستبوونی دەمەقاڵی نێوان ڤینیسیۆس و ناوبژیوانی یارییەکە، چووە لای ڤینی و داوای لێکرد هێورببێتەوە ”سەرت، سەرت”.
کاتێک ڤینیسیۆس گۆڵی سیێمی بۆ ریال مەدرید لە یارییەکەدا کرد، لەسەر شێوازی بێڵینگهام ئاهەنگی گێڕا.
📈 Trending topic. pic.twitter.com/joavPmv8lz
— Real Madrid C.F. (@realmadrid) August 19, 2023
رۆژنامەی ئاس بڵاویکردووەتەوە، بێڵینگهام رۆڵێکی باڵا لە ژووری جلگۆڕنی ریال مەدرید دەگێڕێت و یاریزانان زۆر بە کەسایەتییەکەی سەرسامن.
