مان سیتی شوێنگرەوەیەک بۆ مەحرەز دەستنیشان دەکات
یاریگا –
یانەی مانچێستەر سیتی نزیکە لە گواستنەوەی جێرمی دۆکوی یاریزانی باڵی یانەی رێن، دەیەوێت بە گواستنەوەی ئەم یاریزانە ئەم یاریزانە شوێنی بەتاڵی ریاز مەحرەز پڕ بکاتەوە.
هەرچەندە کۆل پاڵمەر بە تۆمارکردنی گۆڵ لە جامی سوپەری ئینگلیزی و جامی سوپەری ئەوروپا بۆ سیتی درەوشایەوە، بەڵام مانچستەر سیتی پێویستی بە بەهێزکردنی هێڵی هێرشبەری تیپەکەی هەیە.
پەیوەندی کردنی مەحرەز بۆ ئەهلی سعودی بۆشاییەکی گەورەی لە هێڵی هێرشبەری یانە ئینگلیزییەکە دروست کردووە، کە پێدەچێت بە گواستنەوەی دوکۆ ئەم بۆشاییە پڕ بکرێتەوە.
یاریزانە باڵە بەلجیکییە تەمەن 21 ساڵەکە یەکێکە لە بژاردەکانی پێپ گواردیۆلا لە گواستنەوەی هاوینەدا، هەروەها سیتی لە گواستنەوەی یاریزانەکە نزیکتر بووەتەوە.
لەمبارەیەوە فابریزیۆ رۆمانۆ بڵاویکردەوە کە مانچستەر سیتی ئۆفەرێک بە بڕی 55-60 ملیۆن یۆرۆ پێشکەش بە یانە فەڕەنسیەکە دەکات بۆ گواستنەوەی جێرمی دۆکو، هەروەها گەیشتوونەتە رێککەوتنی سەرەتایی.
EXCL: Man City, advancing on Jeremy Doku deal as new verbal proposal close to €55/60m package is being discussed with Rennes 🚨🔵 #MCFC
There’s competition but City hope to reach an agreement with Rennes this week — after green light on player side since beginning of August. pic.twitter.com/kLRoWL1BDw
— Fabrizio Romano (@FabrizioRomano) August 21, 2023
هەروەک ئەو رۆژنامەنووسە ئیتاڵییە ئاماژەی پێکردووە، لە سەرەتای مانگی ئابەوە مان سیتی گڵۆپی سەوزی بۆ دوکۆ پێکردووە. ئێستا تەنها دەبێت کە نرخی کۆتایی ئەم گواستنەوەیە لەگەڵ یانە فەرەنسییەکە دیاری بکرێت. پاڵێوراوانی تریش هەن، بەڵام مانچێستەر سیتی هیوادارە لەم هەفتەیەدا بتوانێ گرێبەستی کۆتایی لەگەڵ یانەی رێن واژوو بکات.
